Page Text
________________
समोसरण-पयरणं
२५
से किं तं चरित्तविणए ? चरित्तविणए पंचविहे पण्णत्ते, तं जहा-सामाइयचरित्तविणए छेदोवट्ठावणियचरित्तविणए परिहारविसुद्धिचरित्तविणए' सुहुमसंपरायचरित्तविणए अहक्खायचरित्तविणए । से तं चरित्तविणए।
से किं तं मणविणए ? मणविणए दुविहे पण्णत्ते, तं जहा-पसत्थमणविणए अपसत्थमणविणए।
से' किं तं अपसत्थमणविणए ? अपसत्थमणविणए जे य मणे सावज्जे सकिरिए सकक्कसे कडुए णिठुरे फरसे अण्हयकरे छेयकरे भेयकरे परितावणकरे उद्दवणकरे भूओवघाइए तहप्पगारं मणो णो पहारेज्जा । से तं अपसत्थमणविणए।
से किं तं पसत्थमणविणए ? पसत्थमणविणए 'जे य मणे असावज्जे अकिरिए अकक्कसे अकडए अणिटठरे अफरुसे अणण्हयकरे अछेयकरे अभयकरे अपरितावणकरे अणुद्दवणकरे अभूओवघाइए तहप्पगारं मणो पहारेज्जा । से तं पसत्थमणविणए। से तं मणविणए।
__ से किं तं वइविणए? वइविणए दुविहे पण्णत्ते, तं जहा-पसत्थवइविणए अपसत्थवइविणए।
__ से किं तं अपसत्थवइविणए ? अपसत्थवइविणए जा य वई सावज्जा सकिरिया सकक्कसा कडया णिठुरा फरुसा अण्हयकरी छेयकरी भेयकरी परितावणकरी उद्दवणकरी भूओवघाइया तहप्पगारं वइं णो पहारेज्जा । से तं अपसत्थवइविणए।
से किं तं पसत्थवइविणए ? पसत्थवइविणए जा य वई असावज्जा अकिरिया अकक्कसा अकडुया अणिठुरा अफरुसा अणण्हयकरी अछेयकरी अभेयकरी अपरितावणकरी अणुद्दवणकरी अभूओवघाइया तहप्पगारं वइं पहारेज्जा। से तं पसत्थवइविणए । से तं वइविणए।
से किं तं कायविणए ? कायविणए दुविहे पण्णत्ते, तं जहा-पसत्थकायविणए अपसत्थकायविणए।
से किं तं अपसत्थकायविणए ? अपसत्थकायविणए सत्तविहे पण्णत्ते, तं जहाअणाउत्तं गमणे अणाउत्तं ठाणे अणाउत्तं निसीदणे अणाउत्तं तुयट्टणे अणाउत्तं उल्लंघणे अणाउत्तं पल्लंघणे अणाउत्तं सबिदियकायजोगजुंजणया । से तं अपसत्थकायविणए।
से किं तं पसत्थकायविणए ? पसत्थकायविणए 'सत्तविहे पण्णत्ते, तं जहा-आउत्तं गमणे आउत्तं ठाणे आउतं निसीदणे आउत्तं तुयट्टणे आउत्तं उल्लंघणे आउत्तं पल्लंघणे १. परिहारविशुद्ध (क) ।
सेत्त पसत्थमणविणए । अग्रे सूत्रत्रयेपि सप्तव २. स्थानाने (७।१३१-१३४) भगवत्यां (२५ भेदा विद्यन्ते ।। ५८६-५६३) च मनोवाग्विनययोः प्रकारभेदो ३. सं० पा०-तं चेव पसत्थं नेयव्वं, एवं चेव लभ्यते । उदाहरणरूपेण-से कि तं पसत्थमण- वइविणओवि एएहि पएहिं चेव णेयव्यो। विणए ? पसत्यमणविणए सत्तविहे पण्णते, तं ४. सविदियजोगजुजणया (ठाणं ७।१३६, भ० जहा-अपावए असावज्जे अकिरिए निरुव- २५।५६६) । केसे अणण्हवकरे अच्छविकरे अभ्याभिसंकणे। ५. सं० पा०-एवं चेव पसत्थं भाणियव्वं ।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |