Page Text
________________
समोस रण-पयरणं
पणीयरसपरिच्चाए, आयंबिलए', आयामसित्थभोई, अरसाहारे, विरसाहारे, अंताहार, पंताहारे, लूहाहारे । से तं रसपरिच्चाए ।
३६. से कि तं कायकिलेसे ? कायकिलेसे अणेगविहे पण्णत्ते, तं जहा – ठाणट्ठिइए* उक्कुडुयासणिए पडिमट्ठाई वीरासणिए नेसज्जिए' आयावए अवाउडए अकंडुयए अह' सव्वगायपरिकम्म विभूस विप्पमुक्के । से तं कायकिले से ||
३७. से किं तं पडिसंलीणया ? पडिसंलीणया चउव्विहा पण्णत्ता, तं जहाstusicीया सायपडिलीणया जोगपडि संलीयणया विवित्तसयणासण सेवणया ।
२३
से किं तं इंदियपडिसलीणया ? इंदियपडिसंलीणया पंचविहा पण्णत्ता, तं जहासोइंदियविसयप्पया रनि रोहो वा सोइंदियविसयपत्तेसु अत्थेसु रागदोसनिग्गहो वा, चक्खिदियविसयप्पयारनिरोहो वा चक्खिदियविसयपत्तेसु अत्थेसु रागदोसनिग्गहो वा, घाणिदिविसयप्पयारनिरोहो वा घाणिदियविसयपत्तेसु अत्थेसु रागदोसनिग्गहो वा, जिब्भिदियवियप्पयारनि रोहो वा जिब्भिदियविसयपत्तेसु अत्थेसु रागदोसनिग्गहो वा, फासिंदियविसयप्पया रनि रोहो वा फासिंदियविसयपत्तेसु अत्थेसु रागदोसनिग्गहो वा । सेतं इंदियपडिलीणया ।
से किं तं कसाय डिलीणया ? कसायपडिसंलीणया चउव्विहा पण्णत्ता, तं जहाकोहस्सुदयनि रोहो' वा उदयपत्तस्स वा कोहस्स विफलीकरणं, माणस्सुदयनि रोहो वा उदयपत्तस्स वा माणस्स विफलीकरणं, मायाउदयणिरोहो वा उदयपत्ताए वा माया विफलीकरणं, लोहस्सुदयणिरोहो वा उदयपत्तस्स वा लोहस्स विफलीकरणं । तं कसाय डिलीणया । तं जहा
से किं तं जोगपडिसंलीणया ? जोगपडिसंलीणया तिविहा पण्णत्ता, जोगपडिलीणया वइजोगपडिसलीणया कायजोगपडिसंलीणया ।
से किं तं मणजोगपडिलीणया ? मणजोगपडिलीणया - अकुसल मणणिरोहो वा, कुसलमणउदीरणं वा । से तं मणजोगपडिसलीणया ।
से किं तं वइजोगपडिसंलीणया ? वइजोगपडिसलीणया - अकुसल वइणिरोहो वा, कुसलवइउदीरणं वा' । से तं वइजोगपडिसंलीणया ।
से किं तं कायजोगपडिसंलीणया ? कायजोगपडिसंलीणया - जण्णं सुसमाहियपाणिपा' कुम्मो इव गुतिदिए सव्वगायपडिलीणे" चिट्ठइ । से तं कायजोगपडिलीणया ।
१. आयंबिल (वृ)
२. लुक्खाहारे ( क ) ; लूहाहारे तुच्छाहारे (वृपा ) | ३. ठाणाइए (ग, वृपा ) ; ठाणातिए ( ठाणं ५/४२ ) ; ठाणादीए ( भ० २५/५७१) । ४. 'दंडायए लगंडसाई' ति क्वचिद् दृश्यते (वृ) । ५. 'धुय के समंसुलोम' ति क्वचिद् दृश्यते ( वृ ) । ६. कोहोदय ं (ख, ग ) ।
Jain Education International
७. वा, मणस्स वा एगत्तीभावकरणं ( भ० २५ । ५७७)।
८. वा, वईए वा एगत्तीभावकरणं ( भ० २५।५७७) ।
६. सुसमाहिय - पसंत साहरियपाणिपाए २५।५७८) ।
१०. अल्लीण - पल्लीणे ( भ० २५।५७८ ) ।
For Private & Personal Use Only
( भ०
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |