Uvangsuttani Part 04 - Ovayiam Raipaseniyam Jivajivabhigame

SR No.: 003554
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1987
Total Pages: 854
Language: Prakrit
Classification: Book_Devnagari, Agam, & Canon
File Size: 17 MB

Page 99

२२
ओवाइयं
निव्वाघाइमे य । णियमा अप्पडिकम्मे । से तं पाओवगमणे।
से किंतं भत्तपच्चक्खाणे ? भत्तपच्चक्खाणे दुविहे पण्णत्ते, तं जहा-वाघाइमे य निव्वाघाइमे य। णियमा सपडिकम्मे । से तं भत्तपच्चक्खाणे। [से तं आवकहिए ?] । से तं अणसणे॥
३३. से किं तं ओमोदरियाओ ? ओमोदरियाओ दुविहा पण्णत्ताओ, तं जहादव्वोमोदरिया य भावोमोदरिया य। ___ से किं तं दव्वोमोदरिया ? दव्वोमोदरिया दुविहा पण्णत्ता, तं जहा-उवगरणदव्वोमोदरिया य भत्तपाणदव्वोमोदरिया य ।
से किं तं उवगरणदव्वोमोदरिया ? उवगरणदव्वोमोदरिया ति विहा पण्णत्ता, तं जहा-एगे वत्थे, एगे पाए, चियत्तोवकरणसाइज्जणया । से तं उवगरणदव्वोमोदरिया।
से कि तं भत्तपाणदव्वोमोदरिया ? भत्तपाणदव्वोमोदरिया अणेगविहा पण्णत्ता, तं जहा--अट्ठ कुक्कुडअंडगप्पमाणमेत्ते' कवले आहारमाहारेमाणे' अप्पाहारे, दुवालस कुक्कुडअंडगप्पमाणमेत्ते कवले आहारमाहारेमाणे अवड्ढोमोदरिए, सोलस कुक्कुडअंडगप्पमाणमेत्ते कवले आहारमाहारेमाणे दुभागपत्तोमोदरिए, चउवीसं कुक्कुडअंडगप्पमाणमेत्ते कवले आहारमाहारेमाणे पत्तोमोदरिए, 'एक्कतीसं कुक्कूडअंडगप्पमाणमेत्ते कवले आहारमाहारेमाणे किंचूणोमोदरिए", बत्तीसं कुक्कुडअंडगप्पमाणमेत्ते कवले आहारमाहारेमाणे पमाणपत्ते, एत्तो एगेण वि घासेणं' ऊणयं आहारमाहारेमाणे समणे णिग्गंथे णो पकामरसभोइ त्ति वत्तव्वं सिया। से तं भत्तपाणदव्वोमोदरिया । से तं दव्वोमोदरिया।
से किं तं भावोमोदरिया ? भावोमोदरिया अणेगविहा पण्णत्ता, तं जहा-अप्पकोहे, अप्पमाणे, अप्पमाए, अप्पलोहे, अप्पसद्दे, अप्पझंझे। से तं भावोमोदरिया । से तं ओमोदरिया ।।
३४. से किं तं भिक्खायरिया ? भिक्खायरिया अणेगविहा पण्णत्ता, तं जहादव्वाभिग्गहचरए खेत्ताभिग्गहचरए कालाभिग्गहचरए भावाभिग्गहचरए उक्खित्तचरए णिक्खित्तचरए उक्खित्तणिक्खित्तचरए णि क्खित्तउक्खित्तचरए वट्टिज्जमाणचरए साहरिज्जमाणचरए उवणीयचरए अवणीयचरए उवणीयअवणीयचरए अवणीयउवणीयचरए संसट्ठचरए असंसट्ठचरए तज्जायसंसठ्ठचरए अण्णायचरए मोणचरए' दिट्ठलाभिए अदिट्ठलाभिए पुट्ठलाभिए अपुट्ठलाभिए भिक्खलाभिए अभिक्खलाभिए अण्णगिलायए ओवणिहिए परिमियपिंडवाइएसद्धेसणिए संखादत्तिए । से तं भिक्खायरिया ॥
३५. से किं तं रसपरिच्चाए ? रसपरिच्चाए अणेगविहे पण्णत्ते, तं जहा-निव्विइए', १. एतन्निगमनं भगवत्यां (२५५५६३) द्रष्टव्यं व्यवहारस्य (८।१७) पादटिप्पणम् । उपलभ्यते । अत्रापि अपेक्षितमस्ति, परन्तु ५. गासेणं (क)। आदर्शेष नोपलभ्यते ।।
६. अप्पझंझे अप्पतुमंतुमे (भ० २५॥५३८) । २. कुक्कड (क); कुक्कुडि° (क्वचित्) । ७. मोणचरए दिट्ठचरए अदिट्ठचरए (ख,ग)। ३. आहारेमाणे (ग)।
८. पिंडलाभिए (ख, ग)। ४. चिन्हाङ्कितः पाठः भगवत्यां (७।२४) ६. निव्वीए (क, ख); निव्वीयए (व); नोपलभ्यते । तद्वत्तावपि नास्ति व्याख्यतः । निन्विगितिए (भ० २५१५७०)