________________
भायाधम्मकहाओ २३. तए णं ते कोडुबियपुरिसा सेणिएणं रण्णा एवं वुत्ता समाणा हट्ठ तुटु
•चित्तमाणंदिया पीइमणा परमसोमणस्सिया हरिसवस-विसप्पमाणहियया
तमाणत्तियं पच्चप्पिणति ।।। २४. तर णं से सेणिए राया कल्लं पाउप्पभायाए रयणीए फुल्लुप्पल-कमल-कोमलु
म्मिलियम्मि अहपंडुरे पभाए रत्तासोगप्पगास-किसुय-सुयमुह-गुंजद्ध-बंधुजीवगपारावयचलणनयण - परहुयसुरत्तलोयण-जासुमणकुसुम-जलियजलण-तवणिज्जकलस-हिंगुलयनिगर-रूवाइरेगरेहंत-सस्सिरीए दिवायरे अहकमेण उदिए तस्स 'दिणकर-करपरंपरोयारपारद्धंमि" अंधयारे बालातव - कुंकुमेण 'खचितेव्व' जीवलोए लोयण-विसयाणुयास -विगसंत-विसददंसियम्मि लोए कमलागरसंडबोहए उट्ठियम्मि सूरे सहस्सरस्सिम्मि दिणयरे तेयसा जलते सयणिज्जाओ उढेइ, उद्वेत्ता जेणेव अट्टणसाला, तेणेव उवागच्छइ, उवागच्छित्ता अट्टणसालं अणुपविसइ । अणेगवायाम-जोग्ग-वग्गण-वामद्दण-मल्लजुद्धकरणेहिं संते परिस्संते सयपागसहस्सपागेहि सुगंधवरतेल्लमादिएहि पीणणिज्जेहिं दीवणिज्जेहिं दप्पणिज्जेहिं मयणिज्जेहिं विहणिज्जेहिं सबिदियगायपल्हायणिज्जेहिं अब्भंगेहि अब्भंगिए समाणे, तेल्लचम्मंसि पडिपुण्ण-पाणिपाय-सुकुमालकोमलतलेहिं पुरिसेहिं छेएहिं दक्खेहि पद्धेहि कुसलेहि मेहावीहिं निउणेहि निउणसिप्पोवगएहि जियपरिस्समेहि अभंगण-परिमद्दणुव्वलण-करणगुणनिम्माएहिं, अट्ठिसुहाए मंससुहाए तयासूहाए रोमसूहाए--चउविहाए संवाहणाए संवाहिए समाणे अवगयपरिस्समे नरिदे अट्टणसालाप्रो पडिनिक्खमइ, पडिणिक्खमित्ता जेणेव मज्जणघरे तेणेव उवागच्छइ, उवागच्छित्ता मज्जणघरं अणुपविसइ, अणुपविसित्ता समत्तजालाभिराम विचित्त-मणि-रयण-कोट्टिमतले रमणिज्जे ण्हाणमंडवंसि नाणामणिरयण-भत्तिचित्तंसि ण्हाणपीढंसि सुहनिसण्णे सुहोदएहिं 'गंधोदएहि पुष्फोदएहि'
१. सं० पा०-हट्ट तुट जाव पच्चप्पिणंति । २. अहपंडरे (क, ख); अहा° (ग)। ३. दिनकरपरंपरोयारपरद्धम्मि (क, ख, ग, घ,
वृपा)। ४. बालायव (क्वचित्)। ५. खइय व्व (ख); खचियंमि (घ)। ६. ° तास (क, ख); ° वास (घ)। ७. जोग (क, ख, ग, घ)। प्रयुक्तासु सर्वास्वपि
प्रतिषु 'जोग' इति पाठो लभ्यते, किन्तु वृत्तौ
'योग्या' इति व्याख्यातमस्ति तथा औपपातिक (६३) सूत्रे 'जोग्ग' इति पाठोऽस्ति ।
असौ च समीचीनः तेन मले स्वीकृतः । ८. अब्भंगिएहिं (ख)। ६. समंत (वृ); समत्त, समुत्त (वृपा) । १०. पुप्फोदएहिं गंधोदएहिं (क, ख, ग, घ)।
वृत्तौ पूर्वं गंधोदकं ततश्च पुष्पोदकं व्याख्यातमस्ति । औपपातिक (६३) सूत्रे पि एष एव क्रमो दृश्यते ।
Jain Education International
For Private & Personal Use Only
www.jainelibrary.org
