________________
२२.
छट्ठो वग्गो --तइयं अज्झयणं (मोग्गरपाणी)
५८१ 'पत्थियं भरेइ, भरेत्ता' अग्गाई वराइं पुप्फाई गहाय जेणेव मोग्गरपाणिस्स जक्खस्स जक्खाययणे तेणेव उवागच्छइ ।। तए णं ते छ गोट्ठिल्ला पुरिसा अज्जुणयं मालागारं बंधुमईए भारियाए सद्धि एज्जमाणं पासंति, पासित्ता अण्णमण्णं एवं वयासी-एस णं देवाणुप्पिया ! अज्जुणए मालागारे बंधुमईए भारियाए सद्धि इहं हव्वमागच्छइ । तं सेयं खलु देवाण प्पिया ! अम्ह अज्जणयं मालागारं अवोडय-बंधणयं करेत्ता बंधमईए भारियाए सद्धि विउलाई भोगभोगाइं भुंजमाणाणं विहरित्तए त्ति कटु एयमÉ अण्णमण्णस्स पडिसुणेति, पडिसुणेत्ता कवाडंतरेसु निलुक्कंति,
निच्चला निप्फंदा तुसिणीया पच्छण्णा चिट्ठति ।। २३. तए णं से अज्जुणए मालागारे बंधुमईए भारियाए सद्धि जेणेव मोग्गरपाणिस्स
जक्खस्स जक्खाययणे तेणेव उवागच्छइ, अालोए पणामं करेइ, महरिहं
पुप्फच्चणं करेइ, जण्णुपायपडिए पणामं करेइ॥ २४. तए णं छ गोटिल्ला पुरिसा दवदवस्स कवाडंतरेहितो निग्गच्छंति निग्गच्छित्ता
अज्जणयं मालागारं गेण्हंति, गेण्हित्ता अवप्रोडय' बंधणं करेंति । बंधमईए
मालागारीए सद्धि विउलाई भोगभोगाइं भुजमाणा विहरंति ।। अज्जुणस्स पडिसोध-पदं २५. तए णं तस्स अज्जुणयस्स मालागारस्स अयमज्झथिए चितिए पत्थिए
मणोगए संकप्पे समुप्पज्जित्था—एवं खलु अहं बालप्पभिई चेव मोग्गरपाणिस्स भगवनो कल्लाकल्लि जाव' पुप्फच्चणं करेमि, जण्णुपायपडिए पणामं करेमि, तो पच्छा रायमग्गंसि वित्ति कप्पेमाणे विहरामि । तं जइ णं मोग्गरपाणी जक्खे इह सण्णिहिए होते, से णं किं मम एयारूवं आवइं पावेज्जमाणं पासते ?
तं नत्थि णं मोग्गरपाणी जक्खे इह सण्णिहिए। सुव्वत्तं णं एस कटे ॥ २६. तए णं से मोग्गरपाणी जक्खे अज्जुणयस्स मालागारस्स अयमेयारूवं अज्झत्थियं
जाव' वियाणेत्ता अज्जुणयस्स मालागारस्स सरीरयं अणुप्पविसइ, अणुप्पविसित्ता तडतडस्स बंधाई छिदइ, छिदित्ता तं पलसहस्सणिप्फण्णं अनोमयं मोग्गरं गेण्हइ, गेण्हित्ता ते इत्थिसत्तमे छ पुरिसे घाएइ ।।। तए णं से अज्जुणए मालागारे मोग्गरपाणिणा जक्खेणं अण्णाइटे समाणे रायगिहस्स नगरस्स परिपेरंतेणं कल्लाकल्लि इत्थिसत्तमे छ पुरिसे घाएमाणे घाएमाणे विहरइ ॥
२७. तएण
१. ४ (घ)। २. उवउडग (क, ग); अवउड (ख)। ३. अं० ६।१६ ।
४. सुव्वत्ते (ख, ग)। ५. अं० ६।२५ । ६. तडतडतडस्स (ख)।
Jain Education International
For Private & Personal Use Only
www.jainelibrary.org
