________________
अंतगडदसा
महं एगे पुप्फारामे होत्था-किण्हे जाव' महामेहनिउरुंबभूए दसद्धवण्ण
कुसुमकुसुमिए पासाईए दरिसणिज्जे अभिरूवे पडिरूवे ॥ १४. तस्स णं पुप्फारामस्स अदूरसामंते, एत्थ णं अज्जुणयस्स मालायारस्स अज्जय
पज्जय-पिइपज्जयागए अणेगकुलपुरिस-परंपरागए मोग्गरपाणिस्स जक्खस्स
जक्खाययणे होत्था-पोराणे दिव्वे सच्चे जहा पूण्णभद्दे ॥ १५. तत्थ णं मोग्गरपाणिस्स पडिमा एगं महं पलसहस्सणिप्फण्णं अशोमयं मोग्गरं
गहाय चिट्टइ॥ प्रज्जुणस्स जक्खपज्जुवासणा-पदं १६. तए णं से अज्जुणए मालागारे बालप्पभिई चेव मोग्गरपाणि-जक्खभत्ते यावि
होत्था । कल्लाकल्लि पच्छियपिडगाई गेण्हइ, गेण्हित्ता रायगिहामो नयरायो पडिणिक्खमइ, पडिणिक्खमित्ता जेणेव पुप्फारामे तेणेव उवागच्छइ, उवागच्छित्ता पुप्फुच्चयं करेइ, करेत्ता' अग्गाइं वराइं पुप्फाइं गहाय, जेणेव मोग्गरपाणिस्स जक्खस्स जक्खाययणे तेणेव उवागच्छइ, उवागच्छित्ता मोग्गरपाणिस्स जक्खस्स महरिहं पुप्फच्चणं करेइ, करेत्ता जण्णुपायपडिए
पणामं करेइ, तो पच्छा रायमगंसि वित्ति कप्पेमाणे विहरइ। गोटीए प्रणाचार-पदं १७. तत्थ णं रायगिहे नयरे ललिया नाम गोट्ठो परिवसइ-अड्डा जाव अपरिभूता जं
कयसुकया यावि होत्था ।। १८. तए णं रायगिहे नगरे अण्णया कयाइ पमोदे घुटे यावि होत्था ॥ १६. तए णं से अज्जुणए मालागारे कल्लं पभूयतराएहि पुप्फेहिं कज्जं इति कटु
पच्चूसकालसमयंसि बंधुमईए भारियाए सद्धि पच्छियपिडयाइं गेहइ, गेण्हित्ता सयानो गिहारो पडिणिक्खमइ, पडिणिक्खमित्ता रायगिहं नगरं मझमझेणं निग्गच्छइ, निग्गच्छित्ता जेणेव पुप्फारामे तेणेव उवागच्छइ,
उवागच्छित्ता बंधुमईए भारियाए सद्धि पुप्फुच्चयं करेइ ।। २०. तए णं तीसे ललियाए गोट्ठीए छ गोट्ठिला पुरिसा जेणेव मोग्गरपाणिस्स
जक्खस्स जक्खाययणे तेणेव उवागया अभिरममाणा चिटुंति ।। २१. तए णं से अज्जुणए मालागारे बंधुमईए भारियाए सद्धि पुप्फुच्चयं करेइ,
१. ओ० सू० ४। २. मो० सू० २। ३. जक्खस्स भत्ते (घ)। ४. पत्थिय° (क्व)।
५. अतोग्रे १२ सूत्रे 'पत्थियं भरेइ, भरेत्ता' इति
पाठो लभ्यते। ६. पुप्फच्चणियं (क)। ७. ना० ११५७।
Jain Education International
For Private & Personal Use Only
www.jainelibrary.org
