________________
५८२
अंतगडदसामो
रायगिहे आतंक-पदं २८. तए णं रायगिहे नयरे सिंघाडग'-तिग-चउक्क-चच्चर-चउम्मुह ° -महापहपहेसु
बहुजणो अण्णमण्णस्स एवमाइक्खइ एवं भासेइ एवं पण्णवेइ एवं परूवेइ -- एवं खलु देवाणुप्पिया ! अज्जुणए मालागारे मोग्ग रपाणिणा अण्णाइटे समाणे रायगिहे नयरे बहिया इत्थिसत्तमे छ पुरिसे घाएमाणे-घाएमाणे
विहरइ ।। २६. तए णं से सेणिए राया इमीसे कहाए लद्धढे समाणे कोडुंबियपुरिसे सद्दावेइ,
सद्दावेत्ता एवं वयासी-एवं खलु देवाणुप्पिया ! अज्जुणए मालागारे जाव' घाएमाणे-घाएमाणे विहरइ। तं मा णं तुब्भे केइ कट्ठस्स वा तणस्स वा पाणियस्स वा पुप्फफलाणं वा अट्ठाए सइरं निग्गच्छ इ । मा णं तस्स सरीरयस्स वावत्ती भविस्सइ त्ति कटु दोच्चं पि तच्चं पि घोसणयं घोसेह, घोसेत्ता
खिप्पामेव ममेयं पच्चप्पिणह ।। ३०. तए णं ते कोडुबियपुरिसा जाव' पच्चप्पिणंति ।। ३१. तत्थ णं रायगिहे नगरे सुदंसणे नामं सेट्ठी परिवसइ--अड्ढे ।। ३२. तए णं से सुदंसणे समणोवासए यावि होत्था-अभिगयजीवाजीवे जाव'
विहरइ ॥ भगवनो समोसरण-पदं ३३. तेणं कालेणं समएणं समणे भगवं महावीरे पुव्वाणुपुद्वि चरमाणे गामाणु
गामं दूइज्जमाणे सुहंसुहेणं विहरमाणे जेणामेव रायगिहे नयरे गुणसिलए चेइए तेणेव उवागच्छइ, उवागच्छित्ता अहापडिरूवं प्रोग्गहं प्रोगिण्हित्ता
संजमेणं तवसा अप्पाणं भावेमाणे विहरइ ॥ ३४. तए णं रायगिहे नगरे सिंघाडग-तिग-चउक्क-चच्चर-चउम्मुह-महापहपहेसु
बहुजणो अण्णमण्णस्स एवमाइक्खइ जाव' किमंग पुण विपुलस्स अट्ठस्स
गहणयाए ? सुदंसणस्स वंदणठें गमण-पदं ३५. तए णं तस्स सुदंसणस्स बहुजणस्स अंतिए एयं सोच्चा निसम्म अयं अज्झथिए
चितिए पत्थिए मणोगए संकप्पे समुपज्जित्था-एवं खलु समणे भगवं महावीरे
१. सं० पा०-सिंघाडग जाव महापहपहेसु । २. अं० ६।२८ । ३. अं०६।२६।
४. ना० १५०४७। ५. सं० पा०-भगवं जाव समोसढे विहरइ । ६. ओ० सू० ५२।
Jain Education International
For Private & Personal Use Only
www.jainelibrary.org
