________________
५२३
अट्ठमं अज्झयणं (महासतए) महावीर-समवसरण-पदं ४४. तेणं कालेणं तेणं समएणं समणे भगवं महावीरे समोसरिए । ४५. परिसा पडिगया ।। महासतगस्स अंतिए गोतम-पेसण-पदं ४६. गोयमाइ ! समणे भगवं महावीरे भगवं गोयमं एवं वयासी-एवं खल
गोयमा ! इहेव रायगिहे नयरे ममं अंतेवासी महासतए नाम समणोवासए पोसहसालाए अपच्छिममारणंतियसंलेहणाए झूसियसरीरे भत्तपाण-पडियाइक्खिए, कालं अणवकंखमाणे विहरइ॥ तए णं तस्स महासतगस्स समणोवासगस्स रेवती गाहावइणी मत्ता' 'लुलिया विइण्णकेसी उत्तरिज्जयं° विकमाणी-विकमाणी जेणेव पोसहसाला, जेणेव महासतए समणोवासए, तेणेव उवागच्छइ, उवागच्छित्ता मोहुम्माय जणणाई सिंगारियाइं इत्थिभावाइं उवदंसेमाणी-उवदंसेमाणी महासतयं समणोवासयं एवं वयासी-हंभो ! महासतया ! समणोवासया' ! कि णं तुब्भं देवाणुप्पिया! धम्मेण वा पुण्णण वा सग्गेण वा मोक्खेण वा, जं णं तुमं मए सद्धि अोरालाई माणुस्सयाई भोग भोगाइं भंजमाणे नो विहरसि ? तए णं से महासतए समणोवासए रेवतीए गाहावइणीए एयमटुं नो आढाइ नो परियाणाइ, अणाढायमाणे अपरियाणमाणे तुसिणीए धम्मज्झाणोवगए विहरइ। तए णं सा रेवती गाहावइणी महासतयं समणोवासयं दोच्चं पि तच्चं पि एवं वयासी। तए णं से महासतए समणोवासए रेवतीए गाहावइणीए दोच्चं पि तच्चं पि एवं वुत्ते समाणे आसुरत्ते रु? कुविए चंडिक्किए मिसिमिसीयमाणे अोहिं पउंजइ, पउंजित्ता प्रोहिणा प्राभोएइ, अाभोएत्ता रेवति गाहावइणि एवं वयासी - 'हभो ! रेवती ! अप्पत्थियपत्थिए ! दुरंत-पंत-लक्खणे! हीणपुण्णचाउद्दसिए ! सिरि-हिरि-धिइ-कित्ति-परिवज्जिए ! एवं खलु तुम अंतो सत्तरत्तस्स अलसएणं वाहिणा अभिभूया समाणी अट्ट-दुहट्ट-वसट्टा असमाहिपत्ता कालमासे कालं किच्चा अहे इमीसे रयणप्पभाए पुढवीए लोलुयच्चुए नरए चउरासीतिवाससहस्सट्ठिइएसु नेरइएसु नेरइयत्ताए ° उववज्जिहिसि । नो खलु कप्पइ गोयमा ! समणोवासगस्स अपच्छिम मारणंतियसंलेहणा
१. सं० पा०—मत्ता जाव विकड्ढमाणी। ३. पू०-उवा० ८।२७। २. सं० पा.-मोहम्माय जाव एवं वयासी ४. सं. पा०-वयासी जाव उववज्जिहिसि । तहेव जाव दोच्चं पि।
५. सं० पा० ---अपच्छिम जाव झसियस्स।
Jain Education International
For Private & Personal Use Only
www.jainelibrary.org
