________________
सोलसमं अञ्झयणं (अवरकंका)
३०३
असण-पाण-खाइम- साइमं उवक्खडावेइ, उवक्खडावेत्ता कोडुंबियपुरिसे सहावेइ, सद्दावेत्ता एवं वयासी -- गच्छह णं तुब्भे देवाणुप्पिया ! विपुलं असण-पाणखाइम-साइमं सुरं च मज्जं च मंसं च सीधुं च पसन्नं च सुबहं पुप्फ-वत्थ-गंधमल्लालंकारं च वासुदेवपामोक्खाणं रायसहस्साणं आवासेसु साहरह । तेवि साहति ॥
१५२. तए णं ते वासुदेवपामोक्खा तं विपुलं असण' - पाण- खाइम - साइमं सुरं च मज्जं च मंसं च सीधुं च° पसन्नं च आसाएमाणा विसादेमाणा परिभाएमाणा परिभुजेमाणा विहरति । जिमियभुत्तुत्तरागया वि य णं समाणा ग्रायंता चोक्खा' 'परमसुइभूया° सुहासणवरगया बहूहि गंधव्वेहि य नाडएहि य उवगिज्जमाणा य उवनच्चिज्जमाणा य° विहरति ॥
दोवई सयंवर - पदं
१५३. तए णं से दुवए राया पच्चावरण्ह - कालसमयंसि कोडुंबियपुरिसे सहावेइ, सहावेत्ता एवं वयासी - गच्छह णं तुब्भे देवाणुप्पिया ! कंपिल्लपुरे सिंघाडग"• तिग- चउक्क-चच्चर-चउम्मुह - महापह - पहेसु वासुदेवपामोक्खाणं रायसहसाणं वासे हत्थखंधव रगया मह्या मया सद्देणं उग्घोसेमाणा एवं वयहएवं खलु देवाणुप्पिया ! कल्लं पाउप्पभायाए रयणीए' उट्ठियम्मि सूरे सहस्रस्सिम्मि दिणय रे तेयसा जलते दुवयस्स रण्णो धूयाए, चुलणीए देवीए अत्तियाए, धट्ठज्जुणस्स भगिणीए, दोवईए रायवरकण्णाए सयंवरे भविस्सइ । तं तुब्भे णं देवाणुप्पिया ! दुवयं रायाणं अणुगिरहेमाणा व्हाया जाव सव्वालंकारविभूसिया हत्थिखंधवरगया सकोरेंट मल्लदामेणं छत्तेणं धरिज्जमाणे सेवरचामराहिं वीइज्जमाणा हय-गय-रह-पवरजोहकलियाए चाउरंfrote aurए सद्धि संपरिवुडा महयाभड चडगर-रह- पहकर विद परिक्खित्ता जेणेव सयंवरामंडवे तेणेव उवागच्छह, उवागच्छित्ता पत्तेयं पत्तेयं नामंकिएसु ग्रासणेसु निसीयह, निसीइत्ता दोवई रायवरकण्णं पडिवाले माणा - पडिवालेमाणा चिट्ठह त्ति घोसणं घोसेह, घोसेत्ता मम एयमाणत्तियं पच्चप्पिह || १५४. तए णं ते कोडुंबियपुरिसा तहेव जाव" पच्चपिणंति ॥
१. सं० पा० - असण जाव पसन्नं ।
२. सं० पा० - चोक्खा जाव सुहासणवरगया । ३. सं० पा० - गंधव्वेहि य जाव विहरति ।
४. पुव्वावरण्ह ( ख, ग, घ ) ।
५. सं० पा० - सिंघाडग जाव पहेसु ।
६. पू० - ना० १।१।२४ ।
Jain Education International
७. ना० १।१४७ ।
८. सं० पा० - सकोरेंट • सेयचामर हय-गयरह-मह्याभडचडगरेण जाव परिक्खित्ता । ६. नामकेसु (क, ख, ग, घ ) ।
१०. X ( क, ख, ग ) ।
११. ना० १।१६ । १५३ ।
For Private & Personal Use Only
www.jainelibrary.org
