________________
३०४
नायाधम्मकहाओ ।
१५५. तए णं से दुवए राया कोडुबियपुरिसे सद्दावेइ, सद्दावेत्ता एवं वयासी-गच्छह
णं तुन्भे देवाणुप्पिया ! सयंवरमंडवं आसिय-संमज्जिओवलित्तं पंचवण्ण'पुप्फोवयारकलियं कालागरु-पवरकुंदुरुक्क-तुरुक्क- धूव-डज्झत-सुरभिमघमघेत-गंधुद्धयाभिरामं सुगंधवरगंधगंधियं• गंधवट्टिभूयं मंचाइमंचकलियं करेह कारवेह, करेत्ता कारवेत्ता वासुदेवपामोक्खाणं बहूणं रायसहस्साणं पत्तेयंपत्तेयं नामंकियाइं आसणाई अत्थुयपच्चत्थुयाई रएह, रएत्ता एयमाणत्तियं
पच्चप्पिणह । तेवि जाव पच्चप्पिणंति ॥ १५६. तए णं ते वासुदेवपामोक्खा बहवे रायसहस्सा कल्लं पाउप्पभायाए रयणीए
उद्वियम्मि सूरे सहस्सरस्सिम्मि दिणयरे तेयसा जलते व्हाया जाव' सव्वालंकारविभूसिया हत्थिखंधवरगया सकोरेंटमल्लदामेणं छत्तेणं धरिज्जमाणेणं सेयवरचामराहिं वीइज्जमाणा हय-गय'- रह-पवरजोहकलियाए चाउरंगिणीए सेणाए सद्धि संपरिवुडा महयाभड-चडगर-रह-पहकर-विंदपरिक्खित्ता ° सव्विड्डीए जाव" दुंदुहि-निग्घोस-नाइयरवेणं जेणेव सयंवरामंडवे तेणेव उवागच्छंति, उवागच्छित्ता अणुप्पविसंति, अणुप्पविसित्ता पत्तेयं-पत्तेयं नामंकिएसु पासणेसु निसीयंति दोवइं रायवरकण्णं पडिवालेमाणा-पडिवालेमाणा चिटुंति ।। तए णं से दुवए राया कल्लं पाउप्पभायाए रयणीए उट्ठियम्मि सूरे सहस्सरस्सिम्मि दिणयरे तेयसा जलंते पहाए जाव" सव्वालंकारविभूसिए हथिखंधवरगए सकोरेंट मल्लदामेणं छत्तेणं धरिज्जमाणेणं सेयवरचामराहिं वीइज्जमाणे हय-गय-रह-पवरजोहकलियाए चाउरंगिणीए सेणाए सद्धि संपरिवुडे महयाभड-चडगर-रह-पहकर-विंदपरिक्खित्ते' कंपिल्लपुरं नगरं मझमज्झणं निग्गच्छइ, जेणेव सयंवरामंडवे जेणेव वासुदेवपामोक्खा बहवे रायसहस्सा तेणेव उवागच्छइ, उवागच्छित्ता तेसिं वासुदेवपामोक्खाणं करयल•परिग्गहियं दसणहं सिरसावत्तं मत्थए अंजलि कटु जएणं विजएणं वद्धावेइ ,
वद्धावेत्ता कण्हस्स वासुदेवस्स सेयवरचामरं गहाय उववीयमाणे चिट्ठइ ।।। १५८. तए णं सा दोवई रायवरक ण्णा कल्लं पाउप्पभायाए रयणीए" उट्टियम्मि सूरे
१५७.
१. सुगंध-वरगंधियं पंचवण्ण (क ख, ग, घ)। २. सं० पा०-तुरुक्क जाव गंधवट्टिभूयं । ३. नामंकाई (क, ख, ग, घ)। ४. पू०-ना० १।१।२४ । ५. ना० १११।१४७ । ६. सं० पा०-हयगय जाव परिवुडा। ७. ना० २११३३ ।
८. नामंकेसु (ख, घ)। ६. पू०-ना० १११२४ । १०. ना० १२११४७ । ११. सं० पा०-सकोरेंट हयगय । १२. सं० पा०-करयल वद्धावेत्ता। १३. पू०-ना० १११।२४।
Jain Education International
For Private & Personal Use Only
www.jainelibrary.org
