Page Text
________________
चउवीसइमं सतं (चउवीसइमो उद्देसो)
८६६ ३५२.
माहिंदगदेवा णं भंते ! कमोहितो उववज्जति ? जहा सणंकुमारगदेवाणं वत्तव्वया तहा माहिंदगदेवाण वि भाणियव्वा', नवरं-माहिंदगदेवाणं ठिती सातिरेगा भाणियव्वा सच्चेव । एवं बंभलोगदेवाण वि वत्तव्वया, नवरं-- बंभलोगद्विति संवेहं च जाणेज्जा। एवं जाव सहस्सारो, नवरं-ठिति संवेहं च जाणेज्जा । लंतगादीणं जहण्णकालट्ठितियस्स तिरिक्खजोणियस्स तिसु वि गमएसु छप्पि लेस्साओ कायव्वाअो । संघयणाइं बंभलोग-लंतएसु पंच आदिल्लगाणि, महासुक्क-सहस्सारेसु चत्तारि। तिरिक्खजोणियाण वि मणु
स्साण वि । सेसं तं चेव ।। ३५३. प्राणयदेवा णं भंते ! कमोहितो उववज्जति० ? उववानो जहा सहस्सारदेवाणं,
नवरं-तिरिक्खजोणिया खोडेयव्वा, जाव'--- ३५४. पज्जत्तासं वेज्जवासाउयसण्णिमणुस्से णं भंते ! जे भविए आणयदेवेसु उवव
ज्जित्तए ०? मणुस्साण य वत्तव्वया जहेव सहस्सारेसु उववज्जमाणाणं, नवरं-- तिण्णि संघयणाणि, सेसं तहेव जाव अणुबंधो। भवादेसेणं जहण्णेणं तिण्णि भवग्गहणाइं, उक्कोसेणं सत्त भवग्गहणाई। कालादेसेणं जहण्णेणं अट्ठारस सागरोवमाइं दोहिं वासपुहत्तेहिं अब्भहियाई, उक्कोसेणं सत्तावन्नं सागरोवमाईचउहि पव्वकोडीहि अब्भहियाई, एवतियं काल सेवेज्जा. एवतियं कालं गति रागतिं करेज्जा । एवं सेसा वि अट्ठ गमगा भाणियव्वा, नवरं-ठिति संवेहं च जाणेज्जा । सेसं तं चेव । एवं जाव अच्चुयदेवा, नवरं-ठिति संवेहं
च जाणज्जा। चउस विसंघयणा तिण्णि प्राणयादीस ।। ३५५. गेवेज्जगदेवा णं भंते ! कमोहितो उववज्जति ०? एस चेव वत्तव्वया.
नवरं-दो संघयणा । ठिति संवेहं च जाणेज्जा ।। ३५६. विजय-वेजयंत-जयंत-अपराजितदेवा णं भंते ! कमोहितो उववज्जति ? एस
चेव वत्तव्वया निरवसेसा जाव अणुबंधो त्ति, नवरं --पढमं संघयणं । सेसं तहेव । भवादेसेणं जहणणेणं तिण्णि भवग्गहणाइं, उक्कोसेणं पंच भवग्गहणाइं। कालादेसेणं जहण्णेणं एक्कतीसं सागरोवमाइं दोहि वासपुहत्तेहि अमहियाइं, उक्कोसेणं छावढि सागरोवमाइं तिहिं पुवकोडोहिं अब्भहियाइं, एवतियं कालं सेवेज्जा, एवतियं कालं गतिरागति करेज्जा। एवं सेसा वि अट्ठ गमगा भाणियव्वा, नवरं --ठिति संवेहं च जाणेज्जा। मणूसलद्धी' नवस वि गमएस
जहा गेवेज्जेसु उववज्जमाणस्स, नवरं --पढमसंघयणं । ३५७. सव्वट्ठगसिद्धगदेवा णं भंते ! कमोहितो उववज्जति ०? उववाग्रो जहेव
विजयादीणं, जाव
१. भ० २४।३४६-३५१ ।
२. मणसे लद्धी (स)।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |