________________
8००
भगवई
३५८. से णं भंते ! केवतिकालट्रितीएस उववज्जेज्जा?
गोयमा ! जहण्णेणं तेत्तीससागरोवमद्वितीएस, उक्कोसेण वि तेत्तीससागरोवमद्वितीएस उववज्जेज्जा । अवसेसा जहा विजयाइसु उववज्जंताणं, नवरं-- भवादेसेणं तिण्णि भवग्गहणाइं, कालादेसेणं जहण्णणं तेत्तीसं सागरोवमाइं दोहि वासपुहत्तेहिं अहियाई, उक्कोसेण वि तेत्तीसं सागरोवमाइं दोहि पुवकोडीहि अब्भहियाई, एवतियं कालं सेवेज्जा, एवतियं कालं गतिरागति
करेज्जा १॥ ३५६. सो चेव अप्पणा जहण्णकालद्वितीयो जानो, एस चेव वत्तव्वया, नवरं
ओगाहणा-ठितीप्रो रयणिपुहत्त-वासपुहत्ताणि । सेसं तहेव । संवेहं च
जाणेज्जा २॥ ३६०. सो चेव अप्पणा उक्कोसकालट्ठितीअो जाओ, एस चेव वत्तव्वया, नवरं
प्रोगाहणा जहणणं पंच धणुसयाई, उक्कोस्सेण वि पंच धणुसयाई । ठिती जहण्णणं पुवकोडी, उक्कोसेण वि पुव्वकोडी । सेसं तहेव जाव भवादेसो त्ति । कालादेसेणं जहण्णेणं तेत्तीसं सागरोवमाइं दोहिं पुव्वकोडीहि अब्भहियाई, उक्कोसेण वि तेत्तीसं सागरोवमाइं दोहिं पुवकोडीहि अब्भहियाई, एवतियं कालं सेवेज्जा, एवतियं कालं गतिरागति करेज्जा ३। एते तिण्णि गमगा
सव्वट्ठसिद्धगदेवाणं ॥ ३६१. सेवं भंते ! सेवं भंते ! त्ति भगवं गोयमे जाव' विहरइ ।।
१. भ० ११५१ ।
Jain Education International
For Private & Personal Use Only
www.jainelibrary.org
