Page Text
________________
७४०
भगवई
गोयमा ! जावं च णं से मूले अप्पणो गरुययाए जाव जीवियानो ववरोवेति तावं च णं से पुरिसे काइयाए जाव चउहि किरियाहिं पुढे । 'जेसि पि य णं जीवाणं सरीरेहितो कंदे निव्वत्तिए जाव बीए निव्वत्तिए ते वि णं जीवा काइयाए जाव चउहि किरियाहिं पुट्ठा । जेसि पि य णं जीवाणं सरीरेहितो मूले निव्वत्तिए ते णं जीवा काइयाए जाव पंचहि किरियाहिं पुट्टा । जे वि य से जीवा अहे वीससाए पच्चोवयमाणस्स उवग्गहे वट्टति ते वि य णं जीवा काइयाए
जाव पंचहि किरियाहिं पुट्ठा ॥ ६. पुरिसे णं भंते ! रुक्खस्स कंदे पचालेमाणे वा पवाडेमाणे वा कतिकिरिए ?
गोयमा ! जावं च णं से पुरिसे रुक्खस्स कंदं पचालेइ वा पवाडेइ वा तावं च णं से पुरिसे काइयाए जाव पंचहि किरियाहिं पुढे । जेसि पि य णं जीवाणं सरीरेहितो मूले निव्वत्तिए जाव बीए निव्वत्तिए ते वि य णं जीवा काइयाए
जाव पंचहि किरियाहिं पुट्ठा ॥ १०. अहे णं भंते ! से कंदे अप्पणो गरुययाए जाव जीवियानो ववरोवेति, तए णं
भंते ! से पुरिसे कतिकिरिए ? गोयमा ! जावं च णं से कंदे अप्पणो गरुययाए जाव जीवियानो ववरोवेति तावं च णं से पुरिसे काइयाए जाव चउहि किरियाहिं पट्टे । जेसि पि य णं जीवाणं सरीरेहितो मूले निव्वत्तिए, खंधे निव्वत्तिए जाव बीए निव्वत्तिए ते वि णं जीवा काइयाए जाव चउहि किरियाहिं पट्टा। जेसि पि य णं जीवाणं सरीरेहितो कंदे निव्वत्तिए ते' णं जीवा काइयाए जाव पंचहि किरियाहिं पदा। जे वि य से जीवा अहे वीससाए पच्चोवयमाणस्स उवग्गहे वटुंति ते वि य णं
जीवा काइयाए जाव पंचहि किरियाहिं पुट्ठा । जहा कंदे, एवं जाव बीयं ॥ ११. कति णं भंते ! सरीरगा पण्णत्ता ?
गोयमा ! पंच सरीरगा पण्णत्ता, तं जहा- पोरालिए जाव' कम्मए । १२. कति णं भंते ! इंदिया पण्णत्ता ?
गोयमा ! पंच इंदिया पण्णत्ता, तं जहा-सोइंदिए जाव' फासिदिए । १३. कतिविहे णं भंते ! जोए पण्णत्ते?
गोयमा ! तिविहे जोए पण्णत्ते, तं जहा-मणजोए, वइजोए, कायजोए । १४. जीवे णं भंते ! ओरालियसरीरं निव्वत्तेमाणे कतिकिरिए ?
गोयमा ! सिय तिकिरिए, सिय चउकिरिए, सिय पंचकिरिए । एवं पुढविकाइए वि । एवं जाव मणुस्से ।।
१. मूले (ख, ता, ब)। २. ४(अ)। ३. ते वि (अ, क, ख, ता, ब, म, स)।
४. भ०१०।८। ५. भ० २१७७।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |