________________
सत्तरसमं सतं (बीओ उद्देसो)
७४१ १५. जीवा णं भंते ! ओरालियसरीरं निव्वत्तेमाणा कतिकिरिया ?
गोयमा ! तिकिरिया वि, चउकिरिया वि, पंचकिरिया वि । एवं पुढविकाइया वि। एवं जाव मणुस्सा। एवं वेउव्वियसरीरेण वि दो दंडगा, नवरं जस्स अत्थि वेउव्वियं । एवं जाव कम्मगसरीरं । एवं सोइंदियं जाव फासिंदियं । एवं मणजोगं, वइजोगं, कायजोगं, जस्स जं अत्थि तं भाणियव्वं । एए एगत्तपुहत्तेणं छव्वीसं दंडगा ॥
भाव-पदं
१६. कतिविहे णं भंते ! भावे पण्णत्ते ?
गोयमा ! छव्विहे भावे पण्णत्ते, तं जहा-ओदइए', ओवसमिए' खइए,
खोवसमिए, पारिणामिए°, सन्निवाइए॥ १७. से कि तं प्रोदइए?
प्रोदइए भावे दुविहे पण्णत्ते, तं जहा-उदए य, उदयनिप्फन्ने य। एवं एएणं अभिलावेणं जहा अणुओगदारे छन्नाम तहेव निरवसेसं भाणियव्वं जाव' सेत्तं
सन्निवाइए भावे ॥ १८. सेवं भंते ! सेवं भंते ! त्ति ।
बीओ उद्देसो धम्माधम्म-ठित-पदं १६. से नणं भंते ! संजत-विरत-पडिहत-पच्चक्खातपावकम्मे धम्मे ठिते ? अस्संजत
अविरत-अपडिहत-अपच्चक्खातपावकम्मे अधम्मे ठिते? संजतासंजते धम्माधम्मे ठिते ? हंता गोयमा ! संजत-विरत - पडिहत-पच्चक्खातपावकम्मे धम्मे ठिते, अस्संजत-अविरत-अपडिहत-अपच्चक्खातपावकम्मे अधम्मे ठिते, संजतासंजते धम्माधम्मे ठिते ॥
१. उदतिए (अ, क, ब, म)। २. सं० पा०-ओवसमिए जाव सन्निवाइए। ३. निष्पन्ने (अ, म); निप्पन्ने (स)। ४. छणामं (अ, ब, म)।
५. अ०२७३-२६७। ६. भ० ११५१ । ७. सं० पा०-विरत जाव धम्माधम्मे ।
Jain Education International
For Private & Personal Use Only
www.jainelibrary.org
