Page Text
________________
सत्तरसमं सतं (पढमो उद्देसो)
७३६ किरिया-पदं ५. पुरिसे णं भंते ! तलमारुहइ', पारुहित्ता तलायो तलफलं पचालेमाणे वा
पवाडेमाणे वा कतिकिरिए ? गोयमा ! जावं च णं से पुरिसे तलमारुहइ, आरुहित्ता तलाश्रो तलफलं पचालेइ वा पवाडेइ वा तावं च णं से पुरिसे काइयाए जाव' पंचहि किरियाहिं पुटे । जेसि पि णं जीवाणं सरीरेहिंतो तले निव्वत्तिए, तलफले निव्वत्तिए ते वि णं
जीवा काइयाए जाव पंचहि किरियाहिं पुट्ठा । ६. अहे णं भंते ! से तलफले अप्पणो गरुयत्ताए •भारियत्ताए गरुयसंभारियत्ताए
अहे वीससाए पच्चोवयमाणे जाइं तत्थ पाणाई जाव जीवियाओ ववरोवेति, तए णं भंते ! से पुरिसे कतिकिरिए ? गोयमा ! जावं च णं से तलफले अप्पणो गरुयत्ताए जाव जीवियाग्रो ववरोवेति तावं च णं से पुरिसे काइयाए जाव चउहि किरियाहिं पुढे । जेसि पि णं जीवाणं सरीरेहितो तले निव्वत्तिए ते वि णं जीवा काइयाए जाव चउहि किरियाहिं पुट्ठा । जेसि पि णं जीवाणं सरीरेहितो तलफले निव्वत्तिए ते णं जीवा काइयाए जाव पंचहि किरियाहिं पुछा । जे वि य से जीवा अहे वीससाए पच्चोवयमाणस्स
उवग्गहे वटुंति ते वि य णं जीवा काइयाए जाव पंचहि किरियाहिं पुट्ठा ।। ७. पुरिसे णं भंते ! रुक्खस्स मूलं पचालेमाणे वा पवाडेमाणे वा कतिकिरिए ?
गोयमा ! जावं च णं से पुरिसे रुक्खस्स मूलं पचालेइ वा पवाडेइ वा तावं च णं से पुरिसे काइयाए जाव पंचहिं किरियाहिं पुढे । जेसि पि य णं जीवाणं सरीरेहितो मूले निव्वत्तिए जाव बीए निव्वत्तिए, ते वि य णं जीवा काइयाए
जाव पंचहि किरियाहिं पुट्ठा । ८. अहे णं भंते ! से मूले अप्पणो गरुययाए जाव जीवियाग्रो ववरोवेति, तए णं
भंते ! से पुरिसे कतिकिरिए ?
१. तलमारुभइ (अ, ख, ता, ब, म); ताल °
२. भ० १६।११७ ॥ ३. सं० पा०-गरुयत्ताए जाव पच्चोवयमाणे। ४. X( अ); भ० ५।१३४ । ५. ततो (ब)। ६. से पुरिसे (अ, क, ख, ता, ब, म, स); अत्र
'पुरिसे' इति पदं अशुद्धमस्ति। एतत् च लिपिदोषादागतम् । वृत्तौ तत्तालफलमिति लभ्यते । भ० ५।१३५ सूत्रे 'जावं च रणं से
उसू' इति पाठोस्ति । तत्सादृश्यादत्रापि 'जावं चणं से तलफले' इति पाठः सङ्गतोस्ति । ७. ते वि (अ, क, ख, ता, ब, म, स); अत्र
'अपि' पदं प्रवाहपाति आगतम् । वृत्तौ फलनिर्वर्तकास्तु पंचक्रिया एव इति व्याख्यायां 'तु' पदेन पूर्वप्रकरणाद् भेदः सूचितः । अस्मि
न्नर्थे 'अपि' पदस्य प्रयोगः सङ्गतो न स्यात् । ८. भ० ७।६४ । ६. ततो (क, ता, म)।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |