Page Text
________________
सोलसमं सतं (छट्ठो उद्देसो)
७२६ ६. एगं च णं महं हरिवेरुलियवण्णाभेणं नियगेणं अंतेणं माणुसुत्तरं पव्वयं सव्वग्रो समंता आवेढियं परिवेढियं सुविणे पासित्ता णं पडिबुद्धे । १०. एगं च णं महं मंदरे पव्वए मंदरचूलियाए उरि सीहासणवरगयं अप्पाणं सुविणे पासित्ता गं पडिबुद्धे । १. जण्णं समणे भगवं महावीरे एगं महं घोररूवदित्तधरं तालपिसायं सुविणे पराजियं पासित्ता णं पडिबुद्धे, तण्णं समजेणं भगवया महावीरेणं मोहणिज्जे - मूलाग्रो उग्घाइए। २. जण्णं समणे भगवं महावीरे एगं महं सुक्किल पक्खगं पुंसकोइलगं सविणे पासित्ता णं° पडिबुद्धे, तण्णं समणे भगवं महावीरे सुक्कज्झाणोवगए विहरति । ३. जण्णं समणे भगवं महावीरे एगं महं चित्तविचित्त पक्खगं पुंसकोइलगं सुविणे पासित्ता णं ° पडिबुद्धे, तण्णं समणे भगवं महावीरे विचित्तं ससमयपरसमइयं दुवालसंगं गणिपिडगं ग्राघवेति पण्णवेति परूवेति दंसेति निदंसेति उवदंसेति, तं जहा---पायारं, सूयगडं जाव' दिट्ठिवायं । ४. जण्णं समणे भगवं महावीरे एगं महं दामदुगं सव्वरयणामयं सुविणे पासित्ता णं पडिबुद्धे, तण्णं समणे भगवं महावीरे दुविहे धम्मे पण्णवेति, तं जहा--अगारधम्म वा, अणगारधम्म वा। ५. जण्णं समणे भगवं महावीरे एगं महं सेयं गोवग्गं सुविणे पासित्ता णं' पडिबुद्धे, तण्णं समणस्स भगवो महावीरस्स चाउव्वण्णाइण्णे समणसंघे, तं जहा-समणा, समणीग्रो, सावया, सावियानो। ६. जण्णं समणे भगवं महावीरे एगं महं पउमसरं 'सव्वो समंता कुसुमियं सूविणे पासित्ता णं० पडिबुद्धे, तण्णं समणे भगवं महावीरे चउव्विहे देवे पण्णवेति, तं जहा--भवणवासी, वाणमंतरे, जोतिसिए, वेमाणिए। ७. जण्णं समणे भगवं महावीरे एगं महं सागरं उम्मीवीयीसहस्सकलियं भूयाहिं तिण्णं सूविणे पासित्ता णं° पडिबुद्धे, तण्णं समजेणं भगवया महावीरेणं अणादीए अणवदग्गे दीहमद्धे चाउरते. संसारकंतारे तिणे । ८. जण्णं समणे भगवं महावीरे एगं महं दिणयरं 'तेयसा जलंतं सुविणे पासित्ता
१. सं० पा०-सुक्किल जाव पडिबुद्धे । २. सं० पा०-चित्तविचित्त जाव पडिबुद्धे । ३. भ० २०७५। ४. दिट्टिवात (अ, ब); दिढिवादं (ता)। ५. सं० पा०-गोवरगं जाव पडिबुद्ध । ६. सं० पा०-पउमसरं जाव पडिबुद्ध ।
७. सं० पा०-सागरं जाव पडिबुद्धे । ८. प्रणवतग्गे (ब); सं० पा०-अगवदग्गे जाव
संसार । ६. नित्थिण्णे (अ)। १०. सं० पा.-दिणयरं जाव पडिबुद्ध।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |