Page Text
________________
७३०
भगवई
णं° पडिबुद्धे, तण्णं समणस्स भगवनो महावीरस्स अणंते अणुत्तरे निव्वाघाए निरावरणे कसिणे पडिपुण्णे ° केवलवरनाणदंसणे समुप्पन्ने । ६. जण्णं समणे भगवं महावीरे एगं महं हरिवेरुलिय' वण्णाभेणं नियगेणं अंतेणं माणसूत्तरं पव्वयं सव्वयो समता आवेढियं परिवेढियं सूविणे पासित्ता णं० पडिबुद्धे, तण्णं समणस्स भगवो महावीरस्स पोराला कित्ति-वण्ण-सद्द-सिलोया सदेवमणुयासुरे लोए परिभमंति-इति खलु समणे भगवं महावीरे, इति खलु समणे भगवं महावीरे। १०. जण्णं समणे भगवं महावीरे मंदरे पव्वए मंदरचूलियाए 'उरि सीहासणवरगयं अप्पाणं सुविणे पासित्ता णं° पडिबुद्धे, तण्णं समणे भगवं महावीरे सदेवमणुयासुराए परिसाए मझगए केवली' धम्मं आघवेति' 'पण्णवेति
परूवेति दंसेति निदंसेति उवदंसेति ।। सुविण-फल-पदं ६२. इत्थी वा पुरिसे वा सुविणते एग महं हयपति वा गयपति वा 'नरपंतिं वा
किन्नरपंतिं वा किंपुरिसपंति वा महोरगपंति वा गंधवपति वा वसभपंति वा पासमाणे पासति, द्रुहमाणे द्रुहति, द्रूढमिति अप्पाणं मन्नति, तक्खणामेव
बुज्झति, तेणेव भवग्गहणेणं सिज्झति जाव' सव्वदुक्खाणं अंतं करेति ।। ६३. इत्थी वा पुरिसे वा सुविणंते एगं महं दामिणि पाईणपडिणायतं दुहनो समुद्दे
पुढे पासमाणे पासति, संवेल्लेमाणे संवेल्लेइ, संवेल्लियमिति अप्पाणं मन्नति, तक्खणामेव बुज्झति, तेणेव भवग्गहणणं सिज्झति जाव सव्वदुक्खाणं अंतं
करेति ॥ ६४. इत्थी वा पुरिसे वा सुविणंते एगं महं रज्जु पाईणपडिणायतं दुहनो लोगंते पुढे
पासमाणे पासति, छिदमाणे छिंदति, छिन्नमिति" अप्पाणं मन्नति, तक्खणामेव
बुज्झति, तेणेव भवग्गहणणं सिझति जाव सव्वदुक्खाणं अंतं करेति ।। ६५. इत्थी वा पुरिसे वा सुविणंते एगं महं किण्हसुत्तगं वा 'नीलसुत्तगं वा लोहिय___सुत्तगं वा हालिद्दसुत्तगं वा सुक्किलसुत्तगं वा पासमाणे पासति, उग्गोवेमाणे
१. सं० पा०-अणत्तरे जाव केवल ° । ६. सं० पा०-गयपंति वा जाव वसभपंति । २. सं० पा०-हरिवेरुलिय जाव पडिबुद्धे । ७. भ० ११४४ । ३. सं० पा०-मंदरचूलियाए जाव पडिबुद्ध । ८. दामं (ख)। ४. केवलीणं (क); केवलिपण्णत्तं (ठा० ६. तक्खणामेव अप्पाणं (ख); तक्खणा चेव (ता) १०।१०३)
१०. छिदणमिति (ता)। ५. सं० पा० -आघवेति जाव उवदंसेति। ११. सं० पा०-किण्हसुत्तगं वा जाव सुक्किल ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |