Page Text
________________
६०२
भगवई
गोयमा ! पोग्गलत्थिकाएणं जीवाणं ओरालिय-वेउव्विय-'पाहारा-तेया कम्मासोइंदिय-क्खिदिय-घाणिदिय - जिभिदिय - फासिदिय-मणजोग-वइजोग-काय
जोग-प्राणापाणणं च गहणं पवत्तति । गहणलक्खणे णं पोग्गलत्थिकाए । धम्मत्थिकायादीणं परोप्परं फास-पदं ६१. एगे भंते ! धम्मत्थिकायपदेसे केवतिएहि धम्मत्थिकायपदेसेहिं पुढे ?
गोयमा ! जहण्णपदे तिहिं, उक्कोसपदे छहिं। केवतिएहि अधम्मत्थिकायपदेसेहिं पुढे ? जहण्णपदे' चउहिं, उक्कोसपदे सत्तहिं । केवतिएहिं आगासत्थिकायपदेसेहि पु? ? सहि । केवतिएहिं जीवत्थिकायपदेसेहिं पुटे ? अणतेहि। केवतिएहि पोग्गलत्थिकायपदेसेहिं पुढे ? अणंतेहिं । केवतिएहि श्रद्धासमएहि
पुटे ? सिय पुढे सिय नो पुट्टे, जइ पुढे नियम अणंतेहिं ।।। ६२. एगे भंते ! अधम्मत्थिकायपदेसे केवतिएहिं धम्मत्थिकायपदेसेहि पुट्टे ?
गोयमा ! जहण्णपदे चउहि, उक्कोसपदे सत्तहिं । केवतिएहि अधम्मत्थिकाय
पदेसेहिं पुढे ? जहण्णपदे तिहिं, उक्कोसपदे हि । सेसं जहा धम्मत्थिकायस्स ।। ६३. एगे भंते ! अागासत्थिकायपदेसे केवतिएहि धम्मत्थिकायपदेसेहिं पुढे ?
गोयमा ! सिय पुढे सिय नो पुढे, जइ पुढे जहण्णपदे एक्केण वा दोहि वा तीहि वा, उक्कोसपदे सत्तहिं । एवं अधम्मत्थिकायपदेसेहिं वि । केवतिएहिं आगासथिकायपदेसेहिं पुढे ? छहिं । केवतिएहिं जीवत्थिकायपदेसेहिं पुढे ? सिय पुढे सिय नो पुढे, जइ पुढे नियमं अणंतेहिं । एवं पोग्गलत्थिकायपदेसेहि वि,
अद्धासमएहिं वि॥ ६४. एगे भंते ! जीवत्थिकायपदेसे के वतिएहि धम्मत्थिकाय पदेसे हिं पट्टे ? ०
जहण्णपदे चउहि, उक्कोसपदे सत्तहिं । एवं अधम्मत्थिकायपदेसेहिं वि। केवतिएहिं आगासत्थिकाय पदेसेहिं पुढे ? • सत्तहिं । केवतिएहिं जीवत्थिकायपदेसेहिं पुढे ? अणंतेहिं । सेसं जहा धम्मत्थिकायस्स ॥ एगे भंते ! पोग्गलत्थिकायपदेसे केवतिएहिं धम्मत्थिकायपदेसेहिं पुढे ? एवं
जहेव जीवत्थिकायस्स ।। ६६. दो भंते ! पोग्गलत्थिकायपदेसा केवतिएहि धम्मत्थिकायपदेसेहिं पुट्ठा ?
गोयमा ! जहण्णपदे छहि, उक्कोसपदे बारसहिं । एवं अधम्मत्थिकायपदेसेहि वि । केवतिएहि अागासत्थिकायपदेसेहिं पुट्ठा ? बारसहिं । सेसं जहा' धम्मत्थिकायस्स ॥
१. आहारए तेयकम्मए (ख)। २. गोयमा ! जहण्णपदे (स) सर्वत्र । ३. सं० पा०-पुच्छा। ४. सं० पा०-पुच्छा।
५. भ० १३०६१। ६. भ०१३।६४। ७. भ० १३१६१ ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |