Page Text
________________
तेरसमं सतं (चउत्थो उद्देसो)
६०३ ६७. तिण्णि भंते ! पोग्गलत्थिकायपदेसा केवतिएहिं धम्मत्थिकायपदेसेहिं पुट्ठा ?
जहण्णपदे अहि, उक्कोसपदे सत्तरसहि। एवं अधम्मत्थिकायपदेसेहि वि। केवतिएहि अागासत्थिकायपदेसेहिं पुट्ठा ? सत्तरसहिं। सेसं जहा धम्मत्थिकायस्स । एवं एएणं गमेणं भाणियव्वा' जाव दस, नवरं-जहण्णपदे दोण्णि पक्खिवियव्वा, उक्कोसपदे पंच। चत्तारि पोग्गलत्थिकायस्स पदेसा जहण्णपदे दसहि, उक्कोसपदे बावीसाए । पंच पोग्गलत्थिकायस्स पदेसा जहण्णपदे बारसहिं उक्कोसपदे सत्तावीसाए। छ पोग्गलत्थिकायस्स पदेसा जहण्णपदे चोद्दसहि, उक्कोसपदे वत्तीसाए। सत्त पोग्गलत्थिकायस्स पदेसा जहण्णपदे सोलसहिं, उक्कोसपदे सत्ततीसाए । अट्ठ पोग्गलत्थिकायस्स पदेसा जहण्णपदे अट्ठारसहिं, उक्कोसपदे बायालीसाए। नव पोग्गलत्थिकायस्स पदेसा जहण्णपदे वीसाए, उक्कोसपदे सीयालीसाए। दस पोग्गलत्थिकायस्स पदेसा जहण्णपदे बावीसाए,
उक्कोसपदे बावन्नाए । अागासत्थिकायस्स सव्वत्थ उक्कोसगं भाणियव्वं ॥ ६८. संखेज्जा भंते ! पोग्गलत्थिकायपदेसा केवतिएहिं धम्मत्थिकायपदेसेहिं पट्टा ?
जहण्णपदे तेणेव संखेज्जएणं दुगुणेणं दुरूवाहिएणं, उक्कोसपदे तेणेव संखेज्जएणं पंचगुणेणं दुरूवाहिएणं। केवतिएहि अधम्मत्थिकायपदेसेहिं ? एवं चेव। केवतिएहि अागासत्थिकायपदेसेहिं ? तेणेव संखेज्जएणं पंचगुणेणं दुरूवाहिएणं। केवतिएहि जीवत्थिकायपदेसेहि? अणतेहि। केवतिएहि पोग्गलत्थिकायपदेसेहि? अणंतेहिं । केवतिएहिं अद्धासमएहि ? सिय पुढे, सिय नो पुढे', 'जइ पुढे
नियम अणतेहि ॥ ६६. असंखेज्जा भंते ! पोग्गलत्थिकायपदेसा केवतिएहिं धम्मत्थिकायपदेसेहि पट्टा ?
जहण्णपदे तेणेव असंखेज्जएणं दुगुणेणं दुरूवाहिएणं, उक्कोसपदे तेणेव असं
खेज्जएणं पंचगुणणं दुरूवाहिएणं । सेसं जहा संखेज्जाणं जाव नियमं अणंतेहिं ।। ७०. अणंता भंते ! पोग्गलत्थिकायपदेसा केवतिएहि धम्मत्थिकायपदेसेहिं पुट्ठा ?
एवं जहा असंखेज्जा तहा अणंता वि निरवसेसं ।। ७१. एगे भंते ! अद्धासमए केवतिएहिं धम्मत्थिकायपदेसेहिं पुढे ?
सत्तहिं । केवतिएहि अधम्मत्थिकायपदेसेहिं पुढे? एवं चेव, एवं आगासत्थिकाएहिं
वि । केवतिएहिं जीवत्थिकायपदेसेहिं पुढे ? अणंतेहि, एवं जाव अद्धासमएहि ॥ ७२. धम्मत्थिकाए णं भंते ! केवतिएहि धम्मत्थिकायपदेसेहिं पट्टे ?
'नत्थि एक्केण'२ वि । केवतिएहिं अधम्मत्थिकायपदेसेहि ? असंखेज्जेहि । केवतिएहिं आगासत्थिकायपदेसेहिं ? असंखेज्जेहिं। केवतिएहि जीवत्थिकाय
३. नत्थिक्केण (अ, ख, ता); नस्थि इक्केण
१. भारिणयव्वं (म, स)। २. सं० पा०-ट्रे जाव अणंतेहिं ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |