________________
तेरसमं सतं (चउत्थो उद्देसो)
६०१ लोय-पदं ५५. किमियं भंते ! लोएत्ति पवच्चइ ?
गोयमा ! पंचत्थिकाया, एस णं एवतिए लोएत्ति पवच्चइ, तं जहा-धम्मत्थि
काए, अधम्मत्थिकाए' 'पागासत्थिकाए, जीवत्थिकाए °, पोग्गलत्थिकाए । ५६. धम्मत्थिकाएणं भंते ! जीवाणं किं पवत्तति ?
गोयमा ! धम्मत्थिकाएणं जीवाणं आगमण-गमण-भासुम्मेस-मणजोग-वइजोगकायजोगा, जे यावण्णे तहप्पगारा चला भावा सव्वे ते धम्मत्थिकाए पवत्तंति ।
गइलक्खणे णं धम्मत्थिकाए॥ ५७. अधम्मत्थिकाएणं भंते ! जीवाणं किं पवत्तति ?
गोयमा ! अधम्मत्थिकाएणं जीवाणं ठाण-निसीयण-तुयट्टण', मणस्स य एगत्तीभावकरणता, जे यावण्णे तहप्पगारा थिरा भावा सव्वे ते अधम्मत्थि
काए पवत्तंति । ठाणलक्खणे णं अधम्मत्थिकाए । ५८. आगासत्थिकाएणं भंते ! जीवाणं 'अजीवाण य" कि पवत्तति ? गोयमा ! अागासत्थिकाए णं जीवदव्वाण ‘य अजीवदव्वाण य" भायणभूए
एगेण वि से पुण्णे, दोहि वि पुण्णे सयं पि माएज्जा।
कोडिसएण वि पुण्णे, कोडिसहस्सं पि माएज्जा ॥१॥ अवगाहणालक्खणे णं अागासत्थिकाए । ५६. जीवत्थिकाए णं भंते ! जीवाणं किं पवत्तति ?
गोयमा ! जीवत्थिकाएणं जीवे अणंताणं आभिणिबोहियनाणपज्जवाणं, अणंताणं सुयनाणपज्जवाणं "अणताणं अोहिनाणपज्जवाणं, अणंताणं मणपज्जवनाणपज्जवाणं, अणंताणं केवलनाणपज्जवाणं, अणंताणं मइअण्णाणपज्जवाणं, अणंताणं सुयअण्णाणपज्जवाणं, अणंतागं विभंगनाणपज्जवाणं, अणंताणं चक्खुदंसणपज्जवाणं, अणंताणं अचक्खुदंसणपज्जवाणं, अणंताणं अोहिदंसणपज्जवाणं, अणंताणं केवलदसणपज्जवाणं ° उवयोगं गच्छति । उवयोगलक्खणे'
णं जीवे ।। ६०. पोग्गलत्थिकाए णं भंते ! जीवाणं कि पवत्तति ?
१. अहम्म ° (अ, क, म, स); सं० पा०-
अधम्मत्थिकाए जाव पोग्गलत्थिकाए। २. भासमोस (अ, स); भासूमेस (ख)। ३. प्रथमाबहुवचनलोप दर्शनात् (वृ)। ४. X (ख, ब, म)।
५. X (ख)। ६. सं० पा०–एवं जहा बितियसए अत्थिकाय
उद्देसए जाव उवयोगं । ७. उवयोग (क, ता); उवजोग (ब)। ८. सं० पा०-पुच्छा ।
Jain Education International
For Private & Personal Use Only
www.jainelibrary.org
