Page Text
________________
बारसमं सतं (पढमो उद्देसो)
५३६ णाई पुच्छंति, पुच्छित्ता अट्ठाइं परियादियंति', परियादियित्ता उट्ठाए उडेति, उद्वेत्ता समणस्स भगवनो महावीरस्स अंतियाओ कोट्टयानो चेइयायो पडि
निक्खमंति, पडिनिक्खमित्ता जेणेव सावत्थी नगरी तेणेव पहारेत्थ गमणाए । ४. तए णं से संखे समणोवासए ते समणोवासए एवं वयासी-तुब्भे णं देवाणु
प्पिया ! विपुलं 'असणं पाणं खाइमं साइमं उवक्खडावेह । तए णं अम्हे तं विपुल असणं पाणं खाइमं साइमं अस्साएमाणा' विस्साएमाणा 'परिभाएमाणा
परिभजेमाणा" पक्खियं पोसहं पडिजागरमाणा विहरिस्सामो॥ ५. तए ण ते समणोवासगा संखस्स समणोवासगस्स एयम, विणएणं पडिसूणति ।। ६. तए णं तस्स संखस्स समणोवासगस्स अयमेयारूवे अज्झथिए चितिए पत्थिए
मणोगए संकप्पे ° समुप्पज्जित्था-नो खलु मे सेयं तं विपुलं असणं पाणं खाइम' साइमं अस्साएमाणस्स विस्साएमाणस्स परिभाएमाणस्स परिभुजेमाणस्स पक्खियं पोसह पडिजागरमाणस्स विहरित्तए, सेयं खलु मे पोसहसालाए पोसहियस्स बंभचारिस्स अोमुक्कमणि-सुवण्णस्स ववगयमाला -वण्णग-विलेवणस्स निक्खित्तसत्थ-मुसलस्स एगस्स अबिइयस्स दब्भसंथारोवगयस्स पक्खियं पोसहं पडिजागरमाणस्स विहरित्तए त्ति कटु एवं संपेहेइ, संपेहेत्ता जेणेव सावत्थी नगरी, जेणेव सए गिहे, जेणेव उप्पला समणोवासिया, तेणेव उवागच्छइ, उवागच्छित्ता उप्पल समणोवासिय प्रापच्छइ, ग्रापच्छित्ता जेणंव पोसहसाला तेणव उवागच्छइ, उवागच्छित्ता पोसहसालं अणुपविस्सइ, अणुपविस्सित्ता पोसहसालं पमज्जइ, पमज्जित्ता उच्चारपासवणभूमि पडिलेहेइ, पडिलेहेत्ता दब्भसथारगं संथरइ, संथरित्ता दब्भसंथारगं दुरुहइ, दुरुहित्ता पोसहसालाए पोसहिए बंभचारी 'प्रोमक्कमणि-सूवण्ण ववगयमाला-वण्णगविलवणे निक्खित्तसत्थ-मसले
एगे अबिइए दब्भसथारोवगए° पक्खियं पोसहं पडिजागरमाणे विहरइ ।। ७. तए णं ते समणोवासगा जेणेव सावत्थी नगरी जेणेव साइं-साइं गिहाई. तेणेव
उवागच्छंति, उवागच्छित्ता विपुलं असणं पाणं खाइमं साइमं उवक्खडावेंति, उवक्खडावेत्ता अण्णमण्णं सद्दावेंति, सद्दावेत्ता एवं वयासी-एवं खलु देवाणु
१. पडियाइयंति (ता)।
५. पोसहियं (तं) (ख, ता, म)। २. प्रसरणपाणखाइमसाइमं (क, ख, ता, ब, ६. सं० पा०-अज्झथिए जाव समुप्पज्जित्था। म)।
७. जाव (अ, क, ख, ता, ब, म, स)। ३. आसाएमारणा (स)।
८. पोसहियं (ख, ता, म,)। ४. परिभुजेमाणा परिभाएमारणा (अ, क, ख, ६. उम्मुक्क ° (ब, म)।
स); परि जमाणा परियाभाएमाणा १०. ° मल्लग (ता)। (ता)।
११. सं० पा०-बंभचारी जाव पक्खियं ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |