________________
बारसमं सतं
पढमो उद्देसो १. संखे २. जयंति ३. पुढवि ४. पोग्गल ५. अइवाय ६. राहु ७. लोगे य ।
८. नागे य ६. देव १०. आया, बारसमसए दसुद्देसा ।।१।। संख-पोक्खली-पदं १. तेणं कालेणं तेणं समएणं सावत्थी नाम नगरी होत्था-वण्णओ। कोट्टए चेइए
-वण्णो' । तत्थ णं सावत्थीए नगरीए बहवे संखप्पामोक्खा समणोवासया परिवसंति- अड्ढा जाव' बहुजणस्स अपरिभूया, अभिगयजीवाजीवा जाव' अहापरिग्गहिएहिं तवोकम्मेहि अप्पाणं भावेमाणा विहरति । तस्स णं संखस्स समणोवासगस्स उप्पला नाम भारिया होत्था-सुकुमालपाणिपाया जाव सुरूवा, समणोवासिया अभिगयजीवाजीवा जाव ग्रहापरिग्गहिएहिं तवोकम्मेहि अप्पाणं भावेमाणी विहरइ । तत्थ णं सावत्थीए नगरीए पोक्खली नाम समणोवासए परिवसइ–अड्ढे, अभिगयजीवाजीवे जाव अहापरिग्गहिएहि तवोकम्मेहि
अप्पाणं भावेमाणे विहरइ ।। २. तेणं कालेणं तेणं समएण सामी समोसढे । परिसा जाव' पज्जुवासइ । तए णं
ते समणोवासगा इमीसे कहाए लट्ठा समाणा जहा पालभियाए जाव' पज्जुवासंति । तए णं समणे भगवं महावीरे तेसि समणोवासगाणं तीसे य महति
महालियाए परिसाए ‘धम्म परिकहेइ" जाव परिसा पडिगया । ३. तए णं ते समणोवासगा समणस्स भगवनो महावी रस्स अंतियं धम्म सोच्चा
निसम्म हट्ठतुट्ठा समणं भगवं महावीरं वदंति नमसंति, वंदित्ता नमंसित्ता पसि
१. ओ० सू० १। २. प्रो० स०२-१३ । ३. भ० २०६४। ४. भ. २०६४ । ५. ओ० सू० १५ ।
६. ओ० सू० ५२। ७. भ० ११११७८ । ८. धम्मकहा (अ, क, ख, ता, ब, म, स)। ६. ओ० सू०७१-७६ ।
५३८
Jain Education International
For Private & Personal Use Only
www.jainelibrary.org
