Page Text
________________
५४०
भगवई
प्पिया ! अम्हेहिं से विउले असण-पाण-खाइम-साइमे उवक्खडाविए, संखे य णं समणोवासए नो हव्वमागच्छइ, तं सेयं खलु देवाणुप्पिया ! अम्हं संखं समणोवासगं सद्दावेत्तए । तए णं से पोक्खली समणोवासए 'ते समणोवासए'' एवं वयासी-अच्छह णं तुब्भे देवाणुप्पिया ! सुनिव्वुय-वीसत्था, अहण्णं संखं समणोवासगं सद्दावेमि त्ति कटु तेसि समणोवासगाणं अंतियानो पडिनिक्खमइ, पडिनिक्खमित्ता सावत्थीए नगरीए मज्झमझेणं जेणेव संखस्स समणोवासगस्स गिहे, तेणेव
उवागच्छइ, उवागच्छित्ता संखस्स समणोवासगस्स गिहं अणुपवितु ।। ६. तए णं सा उप्पला समणोवासिया पोक्खलि समणोवासयं एज्जमाणं पासइ,
पासित्ता हट्टतुट्ठा आसणाप्रो अब्भुढेइ, अब्भुतॄत्ता सत्तट्ठ पयाइं अणुगच्छइ, अणुगच्छित्ता पोक्खलि समणोवासगं वंदति नमंसति, वंदित्ता नमंसित्ता आसणेणं उवनिमंतेइ', उवनिमंतेत्ता एवं वयासी-संदिसतु णं देवाणुप्पिया !
किमागमणप्पयोयणं? १०. तए णं से पोक्खली समणोवासए उप्पलं समणोवासियं एवं वयासी-कहिणं'
देवाणुप्पिया ! संखे समणोवासए ? ११. तए णं सा उप्पला समणोवासिया पोक्खलि समणोवासयं एवं वयासी-एवं
खलु देवाणुप्पिया ! संखे समणोवासए पोसहसालाए पोसहिए बंभचारी'
प्रोमक्कमणि-सवण्णे ववगयमाला-वण्णग-विलेवणे निक्खत्तसत्थ-मूसले एगे
अबिइए दब्भसंथारोवगए पक्खियं पोसहं पडिजागरमाणे ° विहरइ ।। १२. तए णं से पोक्खली समणोवासए जेणेव पोसहसाला, जेणेव संखे समणोवासए,
तेणेव उवागच्छइ, उवागच्छित्ता गमणागमणाए पडिक्कमइ, पडिक्कमित्ता संखं समणोवासगं वंदइ नमसइ, वंदित्ता नमंसित्ता एवं वयासी--एवं खलु देवाणुप्पिया ! अम्हेहि से विउले असण-पाण-खाइम-साइमे उवक्खडाविए, तं गच्छामो णं देवाणुप्पिया ! तं विउलं असणं 'पाणं खाइमं° साइमं अस्साएमाणा' •विस्साएमाणा परिभाएमाणा परिभुजेमाणा पक्खियं पोसह पडिजा
गरमाणा विहरामो॥ १३. तए णं से संखे समणोवासए पोक्खलि समणोवासगं एवं वयासी–नो खलु
१. X (ख, ता, ब, म)। २. सुनिव्वया (अ, स)। ३. निमंतेइ (ता)। ४. कहि रणं (अ, क, ख, ता, ब, म)। ५. सं० पा०-बंभचारी जाव विहरइ ।
६. X (क, ख, ता, ब, म)। ७. सं० पा०-असरणं जाव साइमं । ८. सं० पा०–अस्साएमारणा जाव पडिजागर
मारणा।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |