________________
भगवई
नाणदसणे समुप्पन्ने, एवं खलु अस्सि लोए सत्त दीवा सत्त समुद्दा °, तेण परं
वोच्छिन्ना दीवा य समुद्दा य । से कहमेयं मन्ने एवं ? ७४. तेणं कालेणं तेणं समएणं सामो समोसढे, परिसा' 'निग्गया। धम्मो कहियो
परिसा पडिगया। ७५. तेणं कालेणं तेणं समएणं समणस्स भगवनो महावीरस्स जेटे अंतेवासी इंदभूई
नाम अणगारे जहा बितियसए नियंठुद्देसए जाव' घरसमुदाणस्स भिक्खायरियाए अडमाणे बहुजणस निसामेइ, बहुजणो अण्णमण्णस्स एवमाइक्खइ जाव एवं परूवेइ–एवं खलु देवाणुप्पिया ! सिवे रायरिसि एवमाइक्खइ जाव एवं परूवेइ-अत्थि णं देवाणुप्पिया ! “ममं अतिसेसे नाणदंसणे समुप्पन्ने, एवं खलु अस्सि लोए सत्त दीवा सत्त समुद्दा, तेण परं° वोच्छिन्ना दीवा य समुद्दा
य। से कहमेयं मन्ने एवं ? ७६. तए णं भगवं गोयमे बहुजणस्स अंतियं एयमहूँ सोच्चा निसम्म जायसड्ढे
५.जाव' समणं भगवं महावीरं वंदइ नमसइ, वंदित्ता नमंसित्ता एवं वदासीएवं खलु भंते ! अहं तुब्भेहिं अब्भणुण्णाए समाणे हत्थिणापुरे नयरे उच्चनीय-मज्झिमाणि कुलाणि घरसमुदाणस्स भिक्खायरियाए अडमाणे बहुजणसई निसामेमि-एवं खलु देवाणुप्पिया ! सिवे रायरिसी एवमाइक्खइ जाव परूवेइ -अत्थि णं देवाणुप्पिया ! ममं अतिसेसे नाणदसणे समुप्पन्ने, एवं खलु अस्सि
लोए सत्त दीवा सत्त समुद्दा °, तेण परं वोच्छिन्ना दीवा य समुद्दा य॥ ७७. से कहमेयं भंते ! एवं?
गोयमादि ! समणे भगवं महावीरे भगवं गोयमं एवं वयासी--जण्णं गोयमा ! 'एवं खलु एयस्स सिवस्स रायरिसिस्स छटुंछट्टेणं अणिक्खितेणं दिसाचक्कवालेणं तवोकम्मेणं उड्ढं बाहाम्रो पगिज्झिय-पगिज्झिय सूराभिमुहस्स पायावणभूमीए पायावेमाणस्स पगइभद्दयाए पगइउवसंतयाए पगइपयणुकोहमाणमायालोभयाए मिउमद्दवसंपन्नयाए अल्लीणयाए विणीययाए अण्णया कयाइ तयावरणिज्जाणं कम्माणं खोवसमेणं ईहापूहमग्गणगवेसणं करेमाणस्स विभंगे नाम नाणे
१. सं० पा०-नाणदंसणे जाव तेण । ३. सं० पा०-परिसा जाव पडिगया। ३. भ० २।१०६-१०६।
४. सं० पा०--तं चेव जाव वोच्छिन्ना। ५. सं० पा०-जहा नियंठुद्देसए जाव तेण । ६. भ० २।११०।
Jain Education International
For Private & Personal Use Only
www.jainelibrary.org
