Page Text
________________
नवमं सतं (तेत्तीस इमो उद्देसो)
विप्रोस रणयाए "२. अचित्ताणं दव्वाणं अविनोसरणयाए ३. एगसाडिएणं उत्तरासंगकरणेणं ४. चक्खुप्फासे अंजलिप्पग्गहेणं ५. मणसो एगत्तीकरणेणं] जेणेव समणे भगवं महावीरे तेणेव उवागच्छइ, उवागच्छित्ता तिक्खुत्तो आयाहिण-पयाहिणं करेइ, करेत्ता वंदइ नमसइ, वंदित्ता नमंसित्ता ° तिविहाए
पज्जुवासणाए पज्जुवासइ ।।। १४६. तए णं सा देवाणंदा माहणी धम्मियानो जाणप्पवरात्रो पच्चोरुहति, पच्चोरु
हित्ता बहूहिं खुज्जाहिं जाव' चेडियाचक्कवाल-वरिसधर-थेरकंचुइज्ज-महत्तरगवंदपरिक्खित्ता समणं भगवं महावीरं पंचविहेणं अभिगमेणं अभिगच्छइ, [तं जहा–१. सचित्ताणं दवाणं विग्रोसरणयाए २. अचित्ताणं दव्वाणं अविमोयणयाए ३. विणयोणयाए गायलट्ठीए ४. चक्खुप्फासे अंजलिपग्गहेणं ५. मणस्स एगत्तीभावकरणेणं] जेणेव समणे भगवं महावीरे तेणेव उवागच्छइ, उवागच्छित्ता समणं भगवं महावीरं तिक्खुत्तो पायाहिण-पयाहिणं करेइ, करेत्ता वंदइ नमसइ, वंदित्ता नमंसित्ता उसभदत्तं माहणं पुरो कट्टु ठिया चेव सपरिवारा सुस्सूसमाणी नमसमाणी अभिमुहा विणएणं पंजलिकडा" पज्जु
वासइ ।। १४७. तए णं सा देवाणंदा माहणी आगयपण्हया पप्पुयलोयणा' संवरियवलयबाहा
कंचुयपरिक्खित्तिया धाराहयकलंबगं पिव समूसवियरोमकूवा समणं भगवं
महावीरं अणिमिसाए दिट्ठीए देहमाणी-देहमाणी चिट्ठइ ।। १४८. भंतेति ! भगवं गोयमे समणं भगवं महावोरं वंदइ नमसइ, वंदित्ता नमंसित्ता
एवं वयासी-किं णं भंते ! एसा देवाणंदा माहणी आगयपण्या "पप्पुयलोयणा संवरियवलयबाहा कंचुयपरिक्खित्तिया धाराहयकलंबगं पिव समूसविय ° रोमकूवा देवाणुप्पियं अणिमिसाए दिट्ठीए देहमाणी-देहमाणी चिट्टइ ? गोयमादि ! समणे भगवं महावीरे भगवं गोयमं एवं वयासी-एवं खलु गोयमा ! देवाणंदा माहणी ममं अम्मगा, अहण्णं देवाणंदाए माहणीए अत्तए। 'तण्णं एसा" देवाणंदा माहणी तेणं पुव्वपुत्तसिणेहरागेणं आगयपण्हया •पप्पुयलोयणा, संवरियवलयबाहा कंचुयपरिक्खित्तिया धाराहयकलंबगं पिव ° समूसवियरोमकूवा ममं अणिमिसाए दिट्ठीए देहमाणी-देहमाणी चिट्ठइ ।
१. सं० पा०—एवं जहा बितियसए जाव तिवि- ६. पप्फुय° (अ, ता, स); पप्फुल्ल ° (क)। हाए।
७. सं० पा०-तं चेव जाव रोमकूवा । २. कोष्ठकवर्ती पाठो व्याख्यांशः प्रतीयते । ८. गोयमादी (क, ता, ब, म)। ३. भ० ४।१४४।
६. तए णं सा (अ, म)। ४. कोष्ठकवर्ती पाठो पाख्यांशः प्रतीयते । १०. सं० पा०—आगयपण्या जाव समूसविय । ५. पंजलिउडा (अ)।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |