Page Text
________________
भगवई
पंडिया या वि भवामो। तुब्भे णं अज्जो ! अप्पणा चेव तिविहं तिविहेणं
अस्संजय-विरयपडिहय-पच्चक्खायपावकम्मा जाव एगंतबाला या वि भवह ॥ २८१. तए णं ते अण्णउत्थिया ते थेरे भगवंते एवं वयासी-केण कारणेणं अज्जो !
अम्हे तिविहं तिविहेणं अस्संजय-विरय-पडिहय-पच्चक्खायपावकम्मा जाव
एगंतबाला या वि भवामो ? २८२. तए णं ते थेरा भगवंतो ते अण्णउत्थिए एवं वयासी-तुब्भे णं अज्जो ! अदिन्नं
गेण्हह, अदिन्नं भुजह, अदिन्नं सातिज्जह, तए णं तुब्भे अदिन्नं गेण्हमाणा जाव
एगंतबाला या वि भवह ।। २८३. तए णं ते अण्णउत्थिया ते थेरे भगवंते एवं वयासी-केण कारणेणं अज्जो !
अम्हे अदिन्नं गेण्डामो जाव एगंतबाला या विभवामो? २८४. तए णं ते थेरा भगवंतो ते अण्णउत्थिए एवं वयासी-तुब्भण्णं अज्जो ! दिज्ज
माणे अदिन्ने 'पडिग्गाहेज्जमाणे अपडिग्गाहिए, निस्सिरिज्जमाणे अणिसिटे । तुब्भण्णं अज्जो ! दिज्जमाणं पडिग्गहगं असंपत्तं एत्थ णं अंतरा केइ अवहरेज्जा, गाहावइस्स णं तं, नो खलु तं तुभं । तए णं तुब्भे अदिन्नं गेण्हह जाव'
एगंतबाला या वि भवह।। हिंसं पडुच्च २८५. तए णं ते अण्णउत्थिया ते थेरे भगवंते एवं वयासी-तुब्भे णं अज्जो ! तिविहं
तिविहेणं अस्संजय-विरय-पडिहय-पच्चक्खायपावकम्मा जाव एगंतबाला या
वि भवह।। २८६. तए णं ते थेरा भगवंतो ते अण्णउत्थिए एवं वयासी–केण कारणेणं अज्जो !
अम्हे तिविहं तिविहेणं जाव एगंतबाला यावि भवामो ? २८७. तए णं ते अण्णउत्थिया ते थेरे भगवंते एवं वयासी-तुब्भे णं अज्जो ! रीयं
रीयमाणा पुढवि पेच्चेह अभिहणह वत्तेह लेसेह संघाएह संघट्टेह परितावेह किलामेह उद्दवेह, तए णं तुब्भे पुढवि पेच्चेमाणा अभिहणमाणा' 'वत्तेमाणा लेसेमाणा संघाएमाणा संघट्टेमाणा परितावेमाणा किलामेमाणा° उद्दवेमाणा तिविहं तिविहणं अस्संजय-विरय-पडिहय-पच्चक्खायपावकम्मा जाव एगतबाला
या वि भवह ॥ २८८. तए णं ते थेरा भगवंतो ते अण्णउत्थिए एवं वयासी-नो खलु अज्जो ! अम्हे
रीयं रीयमाणा पुढवि पेच्चामो अभिहणामो जाव उद्दवेमो। अम्हे णं अज्जो!
३. सं० पा०-अभिहरणमारणा जाव उद्दवेमाणा।
१. सं० पाल-तं चेव जाव गाहावइस्स । २. तं चेव जाव (अ, क, ता, ब, म, स)।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |