Page Text
________________
अट्ठमं सतं (सत्तमो उद्देसो) २७६. तए णं ते थेरा भगवंतो ते अण्णउत्थिए एवं वयासी-केण कारणेणं अज्जो !
अम्हे अदिन्नं गेण्हामो, अदिन्नं भुंजामो, अदिन्नं सातिज्जामो, जए' णं अम्हे अदिन्नं गेण्हमाणा', 'अदिन्नं भंजमाणा' अदिन्नं सातिज्जमाणा तिविहं तिविहेणं अस्संजय-विरय-पडिहय-पच्चक्खायपावकम्मा जाव एगंतबाला या
वि भवामो? २७७. तए णं ते अण्णउत्थिया ते थेरे भगवंते एवं वयासी-तुब्भण्णं' अज्जो ! दिज्ज
माणे अदिन्ने, पडिग्गाहेज्जमाणे अपडिग्गाहिए, निस्सिरिज्जमाणे अणिसिट्टे । तुब्भण्णं अज्जो ! दिज्जमाणं पडिग्गहगं असंपत्तं एत्थ णं अंतरा केइ अवहरेज्जा गाहावइस्स णं तं, नो खलु तं तुब्भं, तए णं तुब्भे अदिन्नं गेण्हह', 'अदिन्नं भुंजह °, अदिन्नं सातिज्जह । तए णं तुब्भे अदिन्नं गेण्हमाणा जाव' एगंतबाला
या वि भवह ।। २७८.
तए णं ते थेरा भगवंतो ते अण्णउत्थिए एवं वयासी–नो खलु अज्जो ! अम्हे अदिन्न गंण्हामो, प्रदिन्नं भजामो, अदिन्न सातिज्जामो। अम्हे णं अज्जो ! दिन्नं गेण्डामो, दिन्नं भंजामो, दिन्नं सातिज्जामो। तए णं अम्हे दिन्नं गेण्डमाणा, दिन्नं भुंजमाणा, दिन्नं सातिज्जमाणा तिविहं तिविहेणं संजय-विरयपडिहय- "पच्चक्खायपावकम्मा, अकिरिया, संवुडा° एगंतपंडिया या वि
भवामो॥ २७६. तए णं ते अण्णउत्थिया ते थेरे भगवंते एवं वयासी-केण कारणेणं अज्जो !
तुम्हे दिन्नं गेण्हह', 'दिन्नं भुंजह °, दिन्नं सातिज्जह, जए णं तुब्भे दिन्नं
गेण्हमाणा जाव" एगंतपंडिया या वि भवह? २८०. तए णं ते थेरा भगवंतो ते अण्णउत्थिए एवं वयासी–अम्हण्णं अज्जो ! दिज्ज
माणे दिन्ने, पडिग्गाहिज्जमाणे पडिग्गाहिए, निस्सिरिज्जमाणे निसिट्टे । अम्हण्णं अज्जो ! दिज्जमाणं पडिग्गहगं असंपत्तं एत्थ णं अंतरा केइ अवहरेज्जा, अम्हण्णं तं, नो खलु तं गाहावइस्स, तए णं अम्हे दिन्नं गेण्हामो, दिन्नं भुजामो, दिन्नं सातिज्जामो तए णं अम्हे दिन्नं गेण्हमाणा", दिन्नं भुजमाणा, दिन्नं सातिज्जमाणा तिविहं तिविहेणं संजय-विरय-पडिहय-पच्चक्खायपावकम्मा जाव एगंत
१. तए (अ, क, ता, ब, म, स)। २. सं० पा०-गेण्हमारणा जाव अदिन्नं । ३. तुम्हाणं (म, स)। ४. निसरिज्ज° (क)। ५. सं० पा०—गण्हह जाव अदिन्नं । ६. भ० ८।२७६ ।
७. सं० पा०-जहा सत्तमसए जाव एगंतपंडिया ८. सं० पा०-गेण्हह जाव दिन्न । ६. तए (अ, क, ता, ब, म, स)। १०. भ. ८।२७८ । ११. सं० पा०-गेण्हमाणा जाव दिन्नं ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |