________________
३६०
सत्तमो उद्देसो
अण्णउत्थियसंवाद-पदं
प्रदत्तं पडुच्च
२७१. तेणं कालेणं तेणं समएणं रायगिहे नयरे - वण्णम्रो', गुणसिलए चेइए-वण्णओ जाव' पुढविसिलावट्ट । तस्स णं गुणसिलस्स चेइयस्स अदूरसामंते बहवे उत्थिया परिवसंति । तेणं कालेणं तेणं समएणं समणे भगवं महावीरे प्रादिगरे जाव समोसढे जाव परिसा पडिगया ||
२७२. तेणं कालेणं तेणं समएणं समणस्स भगवप्रो महावीरस्स बहवे अंतेवासी थेरा भगवंतो जातिसंपन्ना कुलसंपन्ना बलसंपन्ना विणयसंपन्ना नाणसंपन्ना दंसणसंपन्ना चरितसंपन्ना लज्जा संपन्ना लाघवसंपन्ना ओयंसी तेयंसी बच्चंसी जसंसी जियकोहा जियमाणा जियमाया जियलोभा जियनिद्दा जिइंदिया जियसहा जीवियास-मरणभयविप्पमुक्का समणस्स भगवओ महावीरस्स अदूरसामंते उड्ढजाणू ग्रहोसिरा झाणकोट्ठोवगया संजमेणं तवसा अप्पाणं भावेमाणा विहरति ॥
२७३. तए णं ते अण्णउत्थिया जेणेव थेरा भगवंतो तेणेव उवागच्छंति, उवागच्छित्ता ते थेरे भगवंते एवं वयासी - तुब्भे णं अज्जो तिविहं तिविहेणं अस्संजय - 'विरयपsिहय' - पच्चक्खायपावकम्मा, सकिरिया, असंवुडा, अगंतदंडा एगंतबाला या विभव ||
२७४. तए णं ते थेरा भगवंतो ते अण्णउत्थिए एवं वयासी - केण कारणेणं अज्जो ! अम्हे तिविहं तिविहेणं अस्संजय - विरय - पडिहय-पच्चक्खायपावकम्मा, सकिरिया, असंवुडा, एगंतदंडा, एगंतबाला या वि भवामो ?
२७५. तए णं ते अण्णउत्थिया ते थेरे भगवंते एवं वयासी - तुब्भे" णं अज्जो ! अदिन्नं गेण्हह, अदिन्नं भुंजह, अदिन्न सातिज्जह । तए णं ते तुब्भे अदिन्नं गेहमाणा, दिन्नं भुजमाणा, अदिन्नं सातिज्जमाणा तिविहं तिविहेणं अस्संजय - विरयपsिहय-पच्चक्खाय पावकम्मा जाव एगंतबाला या विभवह ||
१. ओ० सू० १ ।
२. ओ० सू० २-१३ ।
३. भ० १।७ ।
४. भ० ११८ ।
५. सं० पा० - जहा बितियसए जाव जीवियास ।
Jain Education International
भगवई
६. जाव विहरति ( अ, क, ता, म, स) । ७. अविर - अपsिहय ( अ, क, ब, म, स ) ।
८. सं० पा० - जहा सत्तमसए बितिए उद्देसए जाव एगंतबाला ।
६. सं० पा० - विरय जाव एगंतबाला । १०. तुम्हे ( ब ) ।
For Private & Personal Use Only
www.jainelibrary.org
