________________
अट्ठमं सतं (सत्तमो उद्देसो)
३६३ रीयं रीयमाणा कायं वा, जोयं वा, रियं वा पडुच्च देसं देसेणं वयामो, पदेसं पदेसेणं वयामो, तेणं अम्हे देसं देसेणं वयमाणा, पदेसं पदेसेणं वयमाणा नो पुढवि पेच्चेमो अभिहणामो जाव उद्दवेमो, तए णं अम्हे पुढवि अपेच्चेमाणा अणभिहणमाणा जाव प्रणोद्दवेमाणा तिविहं तिविहेणं संजय-विरय-पडिहयपच्चक्खायपावकम्मा जाव एगंतपंडिया या वि भवामो। तुब्भे णं अज्जो ! अप्पणा चेव तिविहं तिविहेणं अस्संजय-विरय-पडिहय-पच्चक्खायपावकम्मा
जाव एगंतबाला या वि भवह ॥ २८६. तए णं ते अण्णउत्थिया ते थेरे भगवंते एवं वयासी-केण कारणेणं अज्जो !
अम्हे तिविहं तिविहेणं जाव एगंतबाला या वि भवामो ? २६०. तए णं ते थेरा भगवंतो ते अण्णउत्थिए एवं वयासी-तुब्भे णं अज्जो ! रीयं
रीयमाणा पुढवि पेच्चेह जाव उद्दवेह, तए णं तुब्भे पुढवि पेच्चेमाणा जाव
उद्दवेमाणा तिविहं तिविहेणं जाव एगंतबाला या वि भवह ।। गममाणगयं पडुच्च२६१. तए णं ते अण्णउत्थिया ते थेरे भगवंते एवं वयासी-तुब्भण्णं अज्जो ! गम्म
माणे अगते, वीतिक्कमिज्जमाणे अवीतिक्कते, रायगिहं नगरं संपाविउकामे
असंपत्ते ।। २९२. तए णं ते थेरा भगवंतो ते अण्ण उत्थिए एवं वयासी-नो खलु अज्जो ! अम्हं
गम्ममाणे अगते, वीतिक्कमिज्जमाणे अवीतिक्कते, रायगिहं नगरं संपाविउकामे असंपत्ते । अम्हण्णं अज्जो ! गम्ममाणे गए, वीतिक्कमिज्जमाणे वीतिक्कते, रायगिहं नगरं संपाविउकामे संपत्ते । तुब्भण्णं अप्पणा चेव गम्ममाणे अगते, वीतिक्कमिज्जमाणे अवीतिक्कते, रायगिह' 'नगरं संपाविउकामे असंपत्ते तए णं ते थेरा भगवंतो अण्णउत्थिए एवं पडिभणंति, पडिभणित्ता गइप्पवायं
नाम अज्झयणं पण्णवइंसु॥ २६३. कतिविहे णं भंते ! गइप्पवाए पण्णत्ते ?
गोयमा ! पंचविहे गइप्पवाए पण्णत्ते, तं जहा-पयोगगई, ततगई, बंधणछेयणगई, उववायगई, विहायगई। एत्तो प्रारब्भ पयोगपयं निरवसेसं भाणियव्वं
जाव सेत्तं विहायगई। २६४. सेवं भंते ! सेवं भंते ! त्ति'।
१. सं० पा०-रायगिह जाव असंपत्ते । २. पडिहणइ (अ, क, ता, ब, म, स)। ३. विहागती (ता)।
४. आरद्धं (क, ता, ब, म)। ५. प०१६ । ६. भ. ११५१।
Jain Education International
For Private & Personal Use Only
www.jainelibrary.org
