Page Text
________________
१३६
भगवई
४३. तए णं से तामली बालतवस्सी बहुपडिपुण्णाइं सद्धिं वाससहस्साइं परियागं पाउ
णित्ता, दोमासियाए संलेहणाए अत्ताणं झूसित्ता, सवीसं भत्तसयं अणसणाए छेदित्ता कालकासे कालं किच्चा ईसाणे कप्पे ईसाणव.सए विमाणे उववायसभाए देवसयणिज्जंसि देवदूसंतरिए अंगुलस्स असंखेज्जइभागमेत्तीए प्रोगाहणाए ईसाणदेविंद
विरहियकालसमयंसि ईसाणदेविदत्ताए' उववण्णे ।। ४४. तए णं से ईसाणे देविदे देवराया अहुणोववण्णे पंचविहाए पज्जत्तीए पज्जत्तिभावं
गच्छइ, [तं जहा-ग्राहारपज्जत्तीए जाव भासा-मणपज्जत्तीए] ॥ ४५. तए णं ते बलिचंचारायहाणिवत्थव्वया बहवे असुरकुमारा देवा य देवीप्रो य तामलि
बालतवस्सि कालगतं जाणित्ता, ईसाणे य कप्पे देविदत्ताए उववण्णं पासित्ता आसुरुत्ता रुदा कुविया चंडिक्किया मिसिमिसेमाणा बलिचंचाए रायहाणीए मज्झमझेणं निग्गच्छंति, निग्गच्छित्ता ताए उक्किट्ठाए जाव" जेणेव भारहे वासे जेणेव तामलित्ती नयरी जेणेव तामलिस्स बालतवस्सिस्स सरीरए तेणेव उवागच्छंति, वामे पाए सुंबेण बंधंति, तिक्खुत्तो मुहे निठुहंति, तामलित्तीए नगरीए सिंघाडग-तिग-चउक्क-चच्चर-चउम्मुह-महापह-पहेसु 'पाकड्ढ-विकड्ढि" करेमाणा, महया-महया सद्देणं उग्घोसेमाणा-उग्घोसेमाणा एवं वयासि-केस णं भो ! से तामली बालतवस्सी सयंगहिलिंगे" पाणामाए पव्वज्जाए पव्वइए ? केस णं से ईसाणे कप्पे ईसाणे देविंद देवराया ?-ति कटु तामलिस्स बालतवस्सिस्स सरीरयं हीलंति निदंति खिसंति गरहंति अवमण्णंति तज्जति तालेति परिवति पव्वहेंति, आकड्ढ-विकड्ढि करेंति, हीलेत्ता निंदित्ता खिसित्ता गरहित्ता अवमण्णेत्ता तज्जेत्ता तालेत्ता परिवहेत्ता पव्वहेत्ता आकड्ढ-विकड्ढि
करेत्ता एगते एडंति, एडिता जामेव दिसि पाउन्भूया तामेव दिसि पडिगया। ४६. तए णं ते" ईसाणकप्पवासी" बहवे वेमाणिया देवा य देवीमो य बलिचंचाराय
हाणिवत्थव्वएहि बहूहिं असुरकुमारेहिं देवेहिं देवीहि य तामलिस्स बालतवस्सिस्स सरीरयं हीलिज्जमाणं निदिज्जमाणं 'खिसिज्जमाणं गरहिज्जमाणं अवमण्णि
ज्जमाणं तज्जिज्जमाणं तालेज्जमाणं परिवहिज्जमाणं पव्वहिज्जमाणं ° आकड्ढ१. ० दूसंतरियंसि (अ); ° दूसंतरियं (ब)। ६. आकट्ट-विकट्टि (क, ब, म, स)। २. ईसाणे ° (अ, ता)।
१०. से के (अ, ब)। ३. भ० ३।१७।
११. सइंगिहिय ° (क, ता, ब)। ४. असौ कोष्ठकत्तिपाठो व्याख्यांशः प्रतीयते । १२. हीलयंति (ता)। ५. भ० ३।३८ ।
१३. सं० पा० ---हिलेत्ता जाव आकड्ढ । ६. पायंसि (क)।
१४. X (अ, ब)। ७. सुंदेणं (अ)।
१५. ईसाणंसि (ब)। ८. उट्ठुहंति (अ, ब, म, स)।
१६. सं० पा०-निदिज्जमारणं जाव आकड्ढ ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |