Page Text
________________
तइयं सतं (पढमो उद्देसो)
१३७ विकड्ढि कीरमाणं पासंति, पासित्ता प्रासुरुत्ता' जाव' मिसिमिसेमाणा जेणेव ईसाणे देविदे देवराया तेणेव उवागच्छंति, उवागच्छित्ता करयलपरिग्गहियं दसनहं सिरसावत्तं मत्थए अंजलि कटु जएणं विजएणं वद्धावेंति, वद्धावेत्ता एवं वयासीएवं खलु देवाणुप्पिया ! बलिचंचारायहाणिवत्थव्वया बहवे असुरकुमारा देवा य देवीप्रो य देवाणुप्पिए कालगए जाणित्ता ईसाणे य कप्पे इंदत्ताए उववण्णे पासेत्ता
आसुरुत्ता जाव एगते एडेंति, एडेत्ता जामेव दिसि पाउन्भूया तामेव दिसि पडिगया। ४७. तए णं ईसाणे देविदे देवराया तेसि ईसाणकप्पवासीणं बहूणं वेमाणियाणं देवाण
य देवीण य अंतिए एयमदं सोच्चा निसम्म प्रासरुत्ते जावः मिसिमिसेमाणे तत्थेव' सयणिज्जवरगए तिवलियं भिडिं निडाले साहटु बलिचंचारायहाणि
अहे सपक्खिं सपडिदिसिं समभिलोएइ॥ ४८. तए णं सा बलिचंचा रायहाणी ईसाणेणं देविदेणं देवरण्णा अहे सपक्खि सपडिदिसि
समभिलोइया समाणी तेणं दिव्वप्पभावेणं इंगालब्भूया मुम्मुरब्भूया छारियब्भूया
तत्तकवेल्लकन्भूया तत्ता समजोइब्भूया जाया यावि होत्था ।। ४६. तए णं ते बलिचंचारायहाणिवत्थव्वया बहवे असुरकुमारा देवा य देवीयो य तं
बलिचंच' रायहाणि इंगालब्भूयं जाव' समजोइन्भूयं पासंति, पासित्ता भीया तत्था तसिया उब्विग्गा संजायभया सव्वनो समता आधाति परिधावेंति,
आधावेत्ता परिधावेत्ता अण्णमण्णस्स कायं समतुरंगेमाणा-समतुरंगेमाणा चिट्ठति ।। ५०. तए णं ते बलिचंचारायहाणिवत्थव्वया बहवे असुरकुमारा देवा य देवीप्रो य
ईसाणं देविदं देवरायं परिकुवियं जाणित्ता ईसाणस्स देविंदस्स देवरण्णो तं दिव्वं देविड्ढि दिव्वं देवज्जुइं दिव्वं देवाणुभागं दिव्वं तेयलेस्सं असहमाणा सव्वे सपक्खि सपडिदिसं ढिच्चा करयलपरिग्गहियं दसनहं सिरसावत्तं मत्थए अंजलि कटट जएणं विजएणं वद्धावति, वद्धावेत्ता एव वयासी-अहो ! ण देवाणप्पिएहिं दिव्वा देविड्ढी दिव्वा देवज्जुई दिव्वे देवाणुभावे लद्धे पत्ते ° अभिसमण्णागए, तं दिवा णं देवाणुप्पियाणं दिव्वा देविड्ढी 'दिव्वा देवज्जुई दिव्वे देवाणभावे° लद्धे पत्ते अभिसमण्णामाए, तं खामेमो णं देवाणुप्पिया ! खमंतु णं
१. आसुरत्ता (ब, म)। २. भ० ३।४५ । ३. भ० ३।४५। ४. बलिचंचा (अ, क, ब, म, स)। ५. भ० ३।४८ । ६. उत्तत्था (ता, स)।
७. तेसिया (ब); सुसिया (स); हस्तलिखितवृत्ती
क्वचित्तसियत्ति शुषितानंदरसाः, क्वचिच्च
'सुसियत्ति' शुषितानंदरसा इति लभ्यते । ८. सं० पा०-देविड्ढी जाव अभिसमण्णागए। ६. सं० पा०-देविड्ढी जाव लद्धे ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |