Page Text
________________
तइयं सत (पढमो उद्देसो)
जेणेव जंबुद्दीवे दीवे जेणेव भारहे वासे जेणेव तामलित्ती नगरी जेणेव तामली मोरियपुत्ते तेणेव उवागच्छंति, उवागच्छित्ता तामलिस्स बालतवस्सिस्स उप्पि सपक्खि सपडिदिसि ठिच्चा दिव्वं देविड्ढि दिव्वं देवज्जुति दिव्वं देवाणुभागं दिव्वं बत्तीसतिविहं नट्टविहिं उवदंसें ति, उवदंसेत्ता तामलि बालतवस्सि तिक्खुत्तो आयाहिण-पयाहिणं करेंति', करेत्ता वंदंति नमसंति, वंदित्ता नमंसित्ता एवं वयासी-एवं खलु देवाणुप्पिया ! अम्हे बलिचंचारायहाणीवत्थव्वया बहवे असुरकुमारा देवा य देवीग्रो य देवाणुप्पियं वंदामो नमसामो सक्कारेमो सम्माणेमो कल्लाणं मंगलं देवयं चेइयं पज्जुवासामो। अम्हण्ण देवाणुप्पिया! बलिचंचा रायहाणी अणिदा अपुरोहिया, अम्हे य णं देवाणुप्पिया ! इंदाहीणा इंदाहिट्ठिया इंदाहीणकज्जा, तं तुम्भे णं देवाणुप्पिया ! बलिचंचं रायहाणि आढाह परियाणह सुमरह, अटुं बंधह, निदाणं पकरेह, ठितिपकप्पं पकरेह, तए णं तुब्भे कालमासे कालं किच्चा बलिचंचाए' रायहाणीए उववज्जिस्सह, तए णं तुब्भे अम्ह इंदा
भविस्सह, तए णं तुब्भे अम्हेहिं सद्धि दिव्वाइं भोगभोगाइं भुंजमाणा विहरिस्सह ।। ३६. तए णं से तामली बालतवस्सी तेहिं बलिचंचारायहाणिवत्थव्वएहि बहूहिं असुर
कुमारेहिं देवेहिं देवीहि य एवं वुत्ते समाणे एयमटुं नो अाढाइ, नो परियाणेइ',
तुसिणीए संचिट्ठइ॥ ४०. तए णं ते बलिचंचारायहाणिवत्थव्वया बहवे असरकुमारा देवा य देवीग्रो य
तामलि मोरियपुत्तं दोच्चं पि तच्चं पि तिक्खुत्तो आयाहिण-पयाहिणं करेंति जाव' अम्हं च णं देवाणुप्पिया ! बलिचंचा रायहाणी अणिदा 'अपुरोहिया, अम्हे य णं देवाणप्पिया ! इंदाहीणा इंदाहिट्ठिया इंदाहीणकज्जा, तं तुब्भे णं देवाणुप्पिया ! बलिचंचं रायहाणि अाढाह परियाणह सुमरह, अटुं बंधह, निदाणं पकरेह , ठितिपकप्पं पकरेह जाव दोच्चं पि तच्चं पि एवं वुत्ते समाणे 'एयमटुं
नो प्राढाइ, नो परियाणेइ°, तुसिणीए संचिट्टइ॥ ४१. तए णं ते बलिचंचारायहाणिवत्थव्वया बहवे असुरकुमारा देवा य देवीप्रो य
तामलिणा बालतवस्सिणा अणाढाइज्जमाणा अपरियाणिज्जमाणा जामेव दिसि
पाउब्भूया तामेव दिसि पडिगया। ४२. तेणं कालेणं तेणं समएणं ईसाणे कप्पे अणिदे अपुरोहिए या वि होत्था ॥
...--..-----
१. पकरेंति (अ, ता)। २. सं० पा०-नमंसामो जाव पज्जवासामो। ३. अम्हाणं (अ, स)। ४. आढह (अ, स)। ५. बलिचंचा (अ, ब, म, स)।
६. परियाणइ (अ, क, ता, म); परियाणाइ
(ब)। ७. भ० ३।३८ । ८. सं० पा०-अरिंणदा जाव ठिति । ६. सं० पा०–समाणे जाव तुसिणीए ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |