Page Text
________________
भगवई
कल्लं पाउप्पभायाए रयणीए जाव उट्टियम्मि सूरे सहस्सरस्सिम्मि दिणयरे तेयसा जलते तामलित्तीए नगरीए दिट्ठाभटे य पासंडत्थे य गिहत्थे य पुव्वसंगतिए य' परियायसंगतिए य आपुच्छित्ता तामलित्तीए नगरीए मज्झमझेणं निग्गच्छित्ता पादुग-कुडिय-मादीयं उवगरणं दारुमयं च पडिग्गहगं एगते एडित्ता तामलित्तीए नगरीए उत्तरपुरत्थिमे दिसिभाए णियत्तणिय-मंडलं आलिहित्ता' संलेहणा असणा झसियस्स भत्तपाणपडियाइविखयस्स पायोवगयस्स कालं अणवकखमाणस्स विहरित्तए त्ति कटु एवं संपेहेइ, संपेहेत्ता कल्लं पाउप्पभायाए रयणीए जाव उट्ठियम्मि सूरे सहस्सरस्सिम्मि दिणयरे तेयसा जलंते 'तामलित्तीए नगरीए दिट्ठाभट्ठे य पासंडत्थे य गिहत्थे य पुव्वसंगतिए य परियायसंगतिए य आपुच्छइ, प्रापुच्छित्ता तामलित्तीए नयरीए मझमझेणं निग्गच्छइ, निग्गच्छित्ता पादुगकुंडिय-मादीयं उवगरणं दारुमयं च पडिग्गहगं एगंते एडेइ, एडेत्ता तामलित्तीए नगरीए उत्तरपुरत्थिमे दिसिभाए णियत्तणिय-मंडलं आलिहइ, प्रालिहित्ता
संलेहणाझूसणाझूसिए ° भत्तपाणपडियाइविखए पाओवगमणं निवण्णे ।। ३७. तेणं कालेणं तेणं समएणं बलिचंचा रायहाणी अणिदा अपुरोहिया या वि होत्था ॥ ३८. तए णं ते बलिचंचारायहाणिवत्थव्वया बहवे असुरकुमारा देवा य देवीयो य तामलिं
बालतवस्सिं ओहिणा आभोएंति, आभोएत्ता अण्णमण्णं सद्दावेति, सद्दावेत्ता एवं वयासि—एवं खल देवाणप्पिया ! बलिचंचा रायहाणी अणिदा अपरोहिया. अम्हे य णं देवाणुप्पिया ! इंदाहीणा इंदाहिट्ठिया इंदाहीणकज्जा, अयं च णं देवाणुप्पिया ! तामली बालतवस्सी तामलित्तीए नगरीए बहिया उत्तरपुरथिम दिसिभागे' नियत्तणिय-मंडलं आलिहित्ता संलेहणाभूसणाझूसिए भत्तपाणपडियाइक्खिए पायोवगमणं निवणे, तं सेयं खलु देवाणुप्पिया! अम्हं तामलि बालतवस्सि बलिचंचाए रायहाणीए ठितिपकप्पं पकरावेत्तए त्ति कटु अण्णमण्णस्स अंतिए एयमटुं पडिसुणेति, पडिसुणेत्ता बलिचंचाए रायहाणीए मज्झमझेणं निग्गच्छंति, निग्गच्छित्ता जेणेव रुयगि उप्पायपव्वए तेणेव उवागच्छंति, उवागच्छित्ता वेउव्वियसमुग्घाएणं समोहणंति, समोहणित्ता जाव' उत्तरवे उब्वियाई रूवाइं विकुव्वंति, विकुव्वित्ता ताए उक्किट्ठाए तुरियाए चवलाए चंडाए जइणाए छेयाए सीहाए सिग्धाए ‘उद्ध्याए दिव्वाए" देवगईए
तिरियं असंखेज्जाणं दीवसमुद्दाणं मझमझेणं 'बीईवयमाणा-बीईवयमाणा" १. य पच्छासंगतिए य (अ, म)।
५. दिसाभाए (क, ता)। २. पाउग (अ, क, ब, म)।
६. रुययिंदे (अ, ब); रुयइंदे (क, ता, म)। ३. आलिभित्ता (ता)।
७. राय० सू० १०। ४. सं० पा०-जलते जाव प्रापुच्छइ २ ताम- ८. दिव्वाए उद्ध्याए (अ, क, ता, ब, स, वृ)।
लित्तीए एगंते एडेइ जाव भत्त। . एते पदे 'रायपसेरणइय'(१०)सूत्रात् पूरिते।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |