Page Text
________________
चोतीसइम सतं (पढमो उद्देसो)
१०१५
से तेणद्वेणं । एवं पज्जत्तएसु वि बादरतेउकाइएसु वि उववाएयव्वो । वाउक्काइय-वणस्सइकाइत्ताए चउक्कएणं भेदेणं जहा पाउक्काइयत्ताए तहेव उववाएयव्वो। एवं जहा अपज्जत्तासहमपूढविक्काइयस्स गमग्रो भणिग्रो एवं पज्जत्ता
सूहमपूढावकाइयस्स विभाणियव्वो, तहव वीसाए ठाणसू उववाएव्वा ।। १८. [अपज्जत्ताबादरपुढविक्काइए णं भंते ? ] अहेलोयखेत्तनालीए बाहिरिल्ले
खेत्ते समोहए? एवं बादरपुढविकाइयस्स वि अपज्जत्तगस्स पज्जत्तगस्स य भाणियव्वं । एवं प्राउक्काइयस्स चउव्विहस्स वि भाणियव्वं । सुहुमतेउक्काइयस्स
दुविहस्स वि एवं चेव ॥ १६. अपज्जत्ताबादरतेउक्काइए णं भंते ! समयखेत्ते समोहए, समोहणित्ता जे
भविए उड्ढलोगखेत्तनालीए बाहिरिल्ले खेत्ते अपज्जत्तासुहुमपुढविकाइयत्ताए उववज्जित्तए, से णं भंते ! कइसमइएणं विग्गहेणं उववज्जेज्जा ? गोयमा ! दुसमइएण वा तिसमइएण वा चउसमइएण वा विग्गहेणं उवव
ज्जेज्जा ॥ २०. से केणद्वेणं ? अट्ठो जहेव रयणप्पभाए तहेव सत्त सेढीओ। एवं जाव२१. अपज्जत्ताबादरतेउकाइए णं भंते ! समयखेत्ते समोहए, समोहणित्ता जे भविए
उडढलोगखेत्तनालीए बाहिरिल्ले खेत्ते पज्जत्तासहमतेउकाइयत्ताए उववज्जित्तए.
से णं भंते ०? सेसं तं चेव ।। २२. अपज्जत्ताबादरते उक्काइए णं भंते ! समयवेत्ते समोहए, समोहणित्ता जे भविए
समयखेत्ते अपज्जत्ताबादरतेउक्काइयत्ताए उववज्जित्तए, से णं भंते ! कइसमइएणं विग्गहेणं उववज्जेज्जा ?
गोयमा ! एगसमइएण वा दुसमइएण वा तिसमइएण वा विग्गहेणं उववज्जेजा ।। २३. से केणटेणं ?
अट्ठो जहेव रयणप्पभाए तहेव सत्त सेढीयो । एवं पज्जत्ताबादरतेउकाइयत्ताए वि । वाउकाइएसु वणस्सइकाइएसु य जहा पुढविक्काइएसु उववाइनो तहेव चउक्कएणं भेदेणं उववाएयव्वो। एवं पज्जत्ताबादरतेउकाइओ वि एएसु चेव ठाणेस उववाएयव्वो। वाउक्काइय-वणस्सइकाइयाणं जहेव पूढविकाइयत्ते
उववाग्रो तहेव भाणियन्वो । २४. अपज्जत्तासुहुमपुढविकाइए णं भंते ! उड्ढलोगखेत्तनालीए बाहिरिल्ले खेत्ते
समोहए, समोहणित्ता जे भविए अहेलोगखेत्तनालीए बाहिरिल्ले खेत्ते अपज्जत्तासुहुमपुढविकाइयत्ताए उववज्जित्तए, से णं भंते ! कइसमइएणं ०? एवं उड्ढलोगखेत्तनालीए बाहिरिल्ले खेत्ते समोहयाणं अहेलोगखेत्तनालीए बाहिरिल्ले खेत्ते उववज्जंताणं सो चेव गमो निरवसेसो भाणियव्वो जाव बादरवणस्सइकाइयो पज्जत्तो बादरवणस्सइकाइएसु पज्जत्तएसु उववाइयो।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |