Page Text
________________
भगवई
२५. अपज्जत्तासुहमपुढविक्काइए णं भंते ! लोगस्स पुरथिमिल्ले चरिमंते समोहए,
समोहणित्ता जे भविए लोगस्स पुरथिमिल्ले चेव चरिमंते अपज्जत्तासुहमपुढविकाइयत्ताए उववज्जित्तए, सेणं भंते ! कइसमइएणं विग्गहेणं उववज्जेज्जा ? गोयमा ! एगसमइएण वा दुसमइएण वा तिसमइएण वा चउसमइएण वा विग्गहेणं उववज्जेज्जा॥ से केणद्वेणं भंते ! एवं वुच्चइ -एगसमइएण वा जाव' उववज्जेज्जा ? एवं खलु गोयमा ! मए सत्त सेढीग्रो पण्णत्ताओ, तं जहा--उज्जुअायता जाव अद्धचक्कवाला। उज्जुनायताए सेढीए उववज्जमाणे एगसमइएणं विग्गहेणं उववज्जेज्जा । एगोवकाए सेढाए उववज्जमाण दूसमइएण विग्गहण उववज्जेज्जा । दहनोवंकाए सेटीए उववज्जमाणे जे भविए एगपयरंसि अणसेढि उववज्जित्तए, से णं तिरामइएणं विग्गहेणं उववज्जेज्जा । जे भविए विसेदि उववज्जित्तए, से णं च उसमइएणं विग्गहेणं उववज्जेज्जा । से तेणद्वेणं जाव उववज्जेज्जा । एवं अपज्जत्तासुहमपुढविकाइनो लोगस्स पुरथिमिल्ले चरिमंते समोहए, समोहणित्ता लोगस्स पुरथिमिल्ले चेव चरिमंते अपज्जत्तएसु पज्जत्तएसु सुहमपुढविकाइएसु, अपज्जत्तएसु पज्जत्तएसु सुहुमग्राउकाइएसु, अपज्जत्तएसु पज्जत्तएसु सुहुमतेउक्काइएसु, अपज्जत्तएसु पज्जत्तएसु सुहुमवाउकाइएसु, अपज्जत्तासू पज्जत्ता बादरवाउकाइएस, पज्जत्तएसू पज्जत्तएस सूहमवणस्सइकाइएसु, अपज्जत्तएसु पज्जत्तएसु य बारससु वि ठाणेसु एएणं चेव कमेणं भाणियव्वो । सहमपुढविकाइयो पज्जत्तनो एवं चेव निरवसेसो वारससु वि ठाणेसु उववाएयव्वो । एवं एएणं गमएणं जाव सुहुमवणस्सइकाइयो पज्जत्तो सुहुमवणस्सइकाइएसु पज्जत्तएसु चेव भाणियव्वो।। अपज्जत्तासुहमपुडविकाइए णं भंते ! लोगस्स पुरथिमिल्ले चरिमंते समोहए, समोहणित्ता जे भविए लोगस्स दाहिणिल्ले चरिमंते अपज्जत्तासुहमपुढविकाइएसु उववज्जित्तए, से णं भंते ! कइसमइएणं विग्गहेणं उववज्जेज्जा ? गोयमा ! दुसमइएण वा तिसमइएण वा चउसमइएण वा विग्गहेणं उववज्जेज्जा ॥ से केणगुणं भंते ! एवं वुच्चइ ? एवं खलु गोयमा ! मए सत्त सेढीग्रो पण्णत्तानो, तं जहा-उज्जुयायता जाव ग्रद्धचक्कवाला । एगोवंकाए सेढीए उववज्जमाणे दुसमइएणं विग्गहेणं उववज्जेज्जा, दुहयोवंकाए सेढीए उववज्जमाणे जे भविए एगपयरंसि अणुसे ढिं उववज्जि त्तए, से णं तिसमइएणं विग्गहेणं उववज्जेज्जा। जे भविए विसेडिं उववज्जित्तए, से णं चउसमइएणं विग्गहेणं उववज्जेज्जा । से तेणटेणं गोयमा ! एवं एएणं गमएणं पुरथिमिल्ले चरिमंते समोहए दाहिणिल्ले चरिमंते
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |