Page Text
________________
१०१४
भगवई से तेणद्वेणं । एवं पज्जत्तएसु वि बादरतेउक्काइएसु । सेसं जहा रयणप्पभाए । जे वि बादरतेउकाइया अपज्जत्तगा य पज्जत्तगा य समयखेत्ते समोहणित्ता दोच्चाए पुढवीए पच्चत्थिमिल्ले चरिमंते पुढविकाइएसु चउव्विहेसु, पाउक्काइएस चउव्विहेस, तेउकाइएसु दुविहेसु, वाउकाइएसु चउविहेस, वणस्सकाइएस चउबिहेसु उववज्जति, ते वि एवं चेव दुसमइएण वा तिसमइएण वा विग्गहेणं उववाएयव्वा। बादरतेउक्काइया अपज्जत्तगा य पज्जत्तगा य जाहे तेसु चेव उववज्जति ताहे जहेव रयणप्पभाए तहेव एगसमइय-दुसमइय-तिसमइयविग्गहा भाणियव्वा, सेसं जहेव रयणप्पभाए तहेव निरवसेसं । जहा सक्करप्पभाए
वत्तव्वया भणिया एवं जाव अहेसत्तमाए भाणियव्वा । १४. अपज्जत्तासुहुमपुढविक्काइए णं भंते ! अहेलोयखेत्तनालीए बाहिरिल्ले खेत्ते
समोहए, समोहणित्ता जे भविए उड्ढलोयखेत्तनालीए बाहिरिल्ले खेत्ते अपज्जत्तासुहुमपुढविकाइयत्ताए उववज्जित्तए, से णं भंते ! कइसमइएणं विग्गहेणं उववज्जेज्जा?
गोयमा ! तिसमइएण वा चउसमइएण वा विग्गहेणं उववज्जेज्जा ।। १५. से केण?णं भंते ! एवं वुच्चइ-तिसमइएण वा चउसमइएण वा विग्गहेणं
उववज्जेज्जा? गोयमा ! अपज्जत्तासुहुमपुढविकाइए णं अहेलोयखेत्तनालीए बाहिरिल्ले खेत्ते समोहए, समोहणित्ता जे भविए उड्ढलोयखेत्तनालीए बाहिरिल्ले खेत्ते अपज्जत्तासुहुमपुढविकाइयत्ताए एगपयरंसि अणुसेढि' उववज्जित्तए, से णं तिसमइएणं विग्गहेणं उववज्जेज्जा । जे भविए विसेटिं' उववज्जित्तए, से णं चउसमइएणं विग्गहेणं उववज्जेज्जा। से तेणद्वेणं जाव उववज्जेज्जा। एवं पज्जत्तासुहुमपुढवि
काइयत्ताए वि, एवं जाव पज्जत्तासहमतेउकाइयत्ताए॥ १६. अपज्जत्तासुहमपुढविक्काइए णं भंते ! अहेलोग खेत्तनालीए बाहिरिल्ले खेत्ते
समोहए,° समोहणित्ता जे भविए समयखेत्ते अपज्जत्ताबादरतेउकाइयत्ताए उववज्जित्तए, से णं भंते ! कइसमइएणं विग्गहेणं उववज्जेज्जा ?
गोयमा ! दुसमइएण वा तिसमइएण वा विग्गहेणं उववज्जेज्जा ॥ १७. से केणद्वेणं?
एवं खलु गोयमा ! मए सत्त सेढोरो पण्णत्ताओ, तं जहा-उज्जुयायता जाव अद्धचक्कवाला । एगोवंकाए सेढीए उववज्जमाणे दुसमइएणं विग्गहेणं उववज्जेज्जा, दुहनोवंकाए सेढीए उववज्जमाण तिसमइएणं विग्गहेणं उववज्जेज्जा।
१. अहेसत्तमाए वि (स)। २. अणुसेढीए (अ, क, ख, ब, म, स)।
३. विसेढीए (अ, क, ख, तो, ब, म, स)। ४. सं० पा–अहेलोग जाव समोहणित्ता।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |