Page Text
________________
चौतीसइमं सतं (पढमो उद्देसी)
कतिसमइएणं० ? सेसं तं चेव । एवं पज्जत्तावादरतेउक्काइयत्ताए वि उववाएयव्यो। वाउकाइयत्ताए य वणस्सइकाइयत्ताए य जहा पुढविकाइएसु तहेव चउक्कएणं भेदेणं उववाएयव्वो। एवं पज्जत्ताबादरतेउकाइयो वि समयखेत्ते समोहणावेत्ता एएसु चेव वीसाए ठाणेसु उववाएयव्वो। जहेव अपज्जत्तो उववाइयो, एवं सव्वत्थ वि बादरतेउकाइया अपज्जत्तगा य पज्जत्तगा य समयखेत्ते उववाएयव्वा सभोहणावेयव्या वि । वाउक्काइया वणस्सकाइया य जहा
पुढविक्काइया तहेव चउक्कएणं भेदेणं उववाएयव्वा जाव९. पज्जत्ताबादरवणस्सइकाइए णं भंते ! इमीसे रयणप्पभाए पुढवीए पुरथिमिल्ले चरिमंते समोहए, समोहणित्ता जे भविए इमीसे रयणप्पभाए पुढवीए पच्चत्थि
ल चारमते पज्जत्तावादरवणस्सइकाइयत्ताए उववज्जित्तए, से णं भंते ! कतिसमइएणं० ? सेसं तहेव जाव से तेणदेणं ।।। अपज्जत्तासुहुमपुढविक्काइए णं भंते ! इमीसे रयणप्पभाए पुढवीए पच्चत्थिमिल्ल चरिमते समोहए, समोहणित्ता जे भविए इमीसे रयणप्पभाए पुढवीए पुरथिमिल्ल चरिमंते अपज्जत्तासुहुमपुढविकाइयत्ताए उववज्जित्तए, से णं भंते ! कइसमइएणं० ? सेसं तहेव निरवसेसं । एवं जहेव पुरथिमिल्ले चरिमंते सव्वपदेस वि समोहया पच्चस्थिमिल्ले चरिमंते समयखेत्ते य उववाइया, जेय समयखेत्त समोहया पच्चत्थिमिल्ले चरिमंते समयखेत्ते य उववाइया, एवं एएणं चेव कमेणं पच्चत्थिमिल्ले चरिमंते समयखेत्ते य समोहया पुरथिमिल्ले चरिमंते समयखेत्ते य उववाएयव्वा तेणेव गमएणं । एवं एएणं गमएणं दाहिणिल्ले चरिमंते समोहयाणं उत्तरिल्ले चरिमंते समयखत्ते य उववाग्रो। एवं चेव उत्तरिल्ले चरिमंते समयखेत्ते य समोहया दाहिणिल्ले चरिमंते समयखेत्ते य
उववाएयव्वा तेणेव गमएणं ।। ११. अपज्जत्तासहमपुढविकाइए णं भंते! सक्करप्पभाए पुढवीए पुरथिमिल्ले
चरिमंते समोहए, समोहणित्ता जे भविए सक्करप्पभाए पुढवीए पच्चत्थि मिल्ले चरिमंते अपज्जत्तासहमपुढविकाइयत्ताए उववज्जित्तए० ? एवं जहेव रयण
प्पभाए जाव से तेणद्वेणं । एवं एएणं कमेणं जाव पज्जत्तएसु सुहुमतेउकाइएसु ॥ १२. अपज्जत्तासुहमपुढविक्काइए णं भंते ! सक्करप्पभाए पुढवीए पुरथिमिल्ले
चरिमंते समोहए, समोहणित्ता जे भविए समयखेत्ते अपज्जत्ताबादरतेउक्काइयत्ताए उववज्जित्तए, से णं भंते ! कतिसमइएणं-पुच्छा। गोयमा ! दुसमइएण वा तिसमइएण वा विग्गहेणं उववज्जेज्जा ।। से केणटेणं ? एवं खलु गोयमा ! मए सत्त सेढीग्रो पण्णत्ताओ, तं जहा-उज्जुयायता जाव अद्धचक्कवाला। एगोवंकाए सेढीए उववज्जमाणे दुसमइएणं विग्गहेणं उववज्जेज्जा । दुहनोवंकाए सेढीए उववज्जमाणे तिसमइएणं विग्गहेणं उववज्जेज्जा।
१३.
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |