Page Text
________________
१६२
भगवई
१४. कण्हलेस्सा णं भंते ! जीवा किरियावादी किं नेरइयाउयं पकरेंति-पुच्छा।
गोयमा ! नो नेरइयाउयं पकरेंति, नो तिरिक्खजोणियाउयं पकरेंति, मणुस्साउयं पकरेंति, नो देवाउयं पकरेंति । अकिरियवादी अण्णाणियवादी वेणइयवादी य चत्तारि वि आउयाइं पकरेंति । एवं नीललेस्सा वि,
काउलेस्सा वि ॥ १५. तेउलेस्सा णं भंते ! जीवा किरियावादी कि नेरइयाउयं पकरेंति-पुच्छा।
गोयमा ! नो ने रइयाउयं पकरेंति, नो तिरिक्खजोणियाउयं पकरेंति, मणुस्सा
उयं पि पकरेंति, देवाउयं पि पकरेंति । जइ देवा उयं पकरेंति तहेव ॥ १६. तेउलेस्सा णं भंते ! जीवा अकिरियावादी किं नेरइयाउयं-पुच्छा ।
गोयमा ! नो नेरइयाउयं पकरेंति, मणुस्साउयं पि पकरेंति, तिरिक्खजोणियाउयं पि पकरेंति, देवाउयं पि पकरेंति । एवं अण्णाणियवादी वि, वेणइयवादी
वि । जहा तेउलेस्सा एवं पम्हलेस्सा वि सुक्कलेस्सा वि नायव्वा ।। १७. अलेस्सा णं भंते ! जीवा किरियावादी कि नेरइयाउयं-पुच्छा।
गोयमा ! नो नेरइयाउयं पकरेंति, नो तिरिक्खजोणियाउयं पकरेंति, नो
मणुस्साउयं पकरेंति, नो देवाउयं पकरेंति ।। १८. कण्हपक्खिया ण भते ! जोवा अकिरियावादी किं ने रइयाउयं-पुच्छा।
गोयमा ! नेरइयाउयं पि पकरेंति, एवं चउविहं पि। एवं अण्णाणियवादी वि, वेणइयवादी वि । सुक्कपक्खिया जहा सलेस्सा ।। सम्मदिदी ण भंते ! जीवा किरियावादी कि नेरइयाउयं-पच्छा। गोयमा! नो नेरइयाउयं पकरेंति, नो तिरिक्खजोणियाउयं पकरेंति,
मणुस्साउयं पिपकरेंति, देवाउयं पि पकरेंति । मिच्छादिट्ठी जहा कण्हपक्खिया ।। २०. सम्मामिच्छादिट्ठी णं भंते ! जीवा अण्णाणियवादी कि नेरइयाउयं० ? जहा
अलेस्सा । एवं वेणइयवादी वि। नाणी आभिणिबोहियनाणी य सुयनाणी य
ओहिनाणी य जहा सम्मद्दिट्ठी ।।। २१. मणपज्जवनाणी णं भंते ! –पुच्छा।
गोयमा ! नो नेरइयाउयं पकरेंति, नो तिरिक्खजोणियाउयं पकरेंति, नो
मणुस्साउयं पकरेंति, देवाउयं पकरेंति ॥ २२. जइ देवाउयं पकरेंति किं भवणवासि-पुच्छा।
गोयमा ! नो भवणवासिदेवाउयं पकरेंति, नो वाणमंतरदेवाउयं पकरेंति, नो जोइसियदेवाउयं पकरेंति, वेमाणियदेवाउयं पकरेंति। केवलनाणी जहा अलेस्सा । अण्णाणी जाव विभंगनाणी जहा कण्हपक्खिया। सण्णासु चउसु वि
११.
१. भ० ३०।११।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |