________________
पंचवीसइमं सतं (छट्ठो उद्देसो)
९४७ ३६५. सिणाए णं-पूच्छा।
गोयमा ! सजोगी वा होज्जा, अजोगी वा होज्जा। जइ सजोगी होज्जा कि
मणजोगी होज्जा-सेसं जहा पुलागस्स ।। उवओग-पदं ३६६. पुलाए णं भंते ! किं सागारोवउत्ते होज्जा ? अणागारोवउत्ते होज्जा ?
गोयमा ! सागारोवउत्ते वा होज्जा, अणागारोवउत्ते वा होज्जा । एवं जाव
सिणाए। कसाय-पदं ३६७. पुलाए णं भंते । सकसायी होज्जा ? अकसायी होज्जा?
गोयमा ! सकसायी होज्जा, नो अकसायी होज्जा । ३६८. जइ सकसायी होज्जा, से णं भंते ! कतिसु कसाएसु होज्जा ?
गोयमा ! चउसु कोह-माण-माया-लोभेसु होज्जा। एवं बउसे वि । एवं
पडिसेवणाकुसीले वि ।। ३६६. कसायकुसीले णं पुच्छा।
गोयमा ! सकसायी होज्जा, नो अकसायी होज्जा ।। ३७०. जइ सकसायी होज्जा, से णं भंते ! कतिसु कसाएसु होज्जा ?
गोयमा ! चउसु वा तिसु वा दोसु वा एगम्मि वा होज्जा । चउसु होमाणे चउसु संजलणकोह-माण-माया-लोभेसु होज्जा, तिसु होमाणे तिसु संजलणमाणमाया-लोभेसु होज्जा, दोसु होमाणे संजलणमाया-लोभेसु होज्जा, एगम्मि
होमाणे संजलणलोभे होज्जा। ३७१. नियंठे णं -पुच्छा।
गोयमा ! नो सकसायी होज्जा, अकसायी होज्जा ।। ३७२. जइ कसायी होज्जा कि उवसंतकसायी होज्जा ? खोणकसायी होज्जा?
गोयमा ! उवसंतकसायी वा होज्जा, खीणकसायी वा होज्जा। सिणाए एवं
चेव, नवरं-नो उवसंतकसायी होज्जा, खोणकसायी होज्जा ।। लेस्सा -पदं ३७३. पुलाए णं भंते ! किं सलेस्से होज्जा ? अलेस्से होज्जा ?
___ गोयमा ! सलेस्सो होज्जा, नो अलेस्से होज्जा। ३७४. जइ सलेस्से होज्जा, से णं भंते ! कतिसु लेस्सासु होज्जा ?
गोयमा ! तिसु विसुद्धलेस्सासु होज्जा, तं जहा-तेउलेस्साए, पम्हलेस्साए,
सुक्कलेस्साए। एवं बउसस्स वि । एवं पडिसेवणाकुसीले वि ।। ३७५. कसायकुसीले-पुच्छा।
गोयमा ! सलेस्से होज्जा, नो अलेस्से होज्जा॥
Jain Education International
For Private & Personal Use Only
www.jainelibrary.org
