________________
६४०
भगवई ३७६. जइ सलेस्से होज्जा, से णं भंते ! कतिसु लेस्सासु होज्जा ?
गोयमा ! छसु लेस्सासु होज्जा, तं जहा --कण्हलेस्साए जाव सुक्कलेस्साए । ३७७. नियंठे णं भंते ! –पुच्छा।
गोयमा ! सलेस्से होज्जा, नो अलेस्से होज्जा । ३७८. जइ सलेस्से होज्जा, से णं भंते ! कतिसु लेस्सासु होज्जा ?
गोयमा ! एक्काए सुक्कलेस्साए होज्जा॥ ३७६. सिणाए-पुच्छा।
गोयमा ! सलेस्से वा होज्जा, अलेस्से वा होज्जा ॥ ३८०. जइ सलेस्से होज्जा, से णं भंते ! कतिसु लेस्सासु होज्जा ?
गोयमा ! एगाए परमसुक्कलेस्साए होज्जा ॥ परिणाम-पदं ३८१. पुलाए णं भंते ! किं वड्ढमाणपरिणामे होज्जा ? हायमाणपरिणामे होज्जा ?
अवट्ठियपरिणामे होज्जा ? गोयमा ! वड्ढमाणपरिणामे वा होज्जा, हायमाणपरिणामे वा होज्जा,
अवट्ठियपरिणामे वा होज्जा । एवं जाव कसायकुसोले ॥ ३८२. नियंठे णं-पुच्छा।
गोयमा ! वड्ढमाणपरिणामे होज्जा, नो हायमाणपरिणामे होज्जा, अवट्ठिय
परिणामे वा होज्जा । एवं सिणाए वि ।। ३८३. पुलाए णं भंते ! केवतियं कालं वड्ढमाणपरिणामे होज्जा ?
गोयमा ! जहण्णणं एक्कं समयं, उक्कोसेणं अंतोमुहुत्तं ॥ ३८४. केवतियं कालं हायमाणपरिणामे होज्जा!
गोयमा ! जहण्णणं एक्कं समयं, उक्कोसेणं अंतोमुहत्तं ।। ३८५. केवतियं कालं अवट्ठियपरिणामे होज्जा ?
गोयमा ! जहणणेणं एक्कं समयं, उक्कोसेणं सत्त समया। एवं जाव
कसायकुसीले ॥ ३८६. नियंठे णं भंते ! केवतियं कालं वड्ढमाणपरिणामे होज्जा ?
गोयमा ! जहण्णेणं अंतोमुहुत्तं, उक्कोसेण वि अंतोमुहुत्तं ॥ ३८७. केवतियं कालं अववियपरिणामे होज्जा ?
गोयमा ! जहण्णणं एक्कं समयं, उक्कोसेणं अंतोमुहुत्तं ।। ३८८. सिणाए णं भंते ! केवतियं कालं वड्ढमाणपरिणामे होज्जा ?
गोयमा ! 'जहण्णेण वि'' अंतोमुहुत्तं, उक्कोसेण वि अंतोमुहत्तं ॥
१. हीयमाण ° (म, स)।
२. जहणेण्णं (अ. क. ख. ब, म, स)।
Jain Education International
For Private & Personal Use Only
www.jainelibrary.org
