________________
९४६
भगवई गोयमा ! नो हीणे, नो तुल्ले, अब्भहिए- अणंतगुणमब्भहिए। एवं जाव
कसायकुसीलस्स ॥ ३५७. नियंठे णं भंते ! नियंठस्स सट्ठाणसण्णिगासेणं- पुच्छा।
गोयमा ! नो हीणे, तुल्ले, नो अब्भहिए। ३५८. "नियंठस्स णं भंते ! सिणायस्स परढाणसण्णिगासेणं-पुच्छा ।
गोयमा ! नो हीणे, तुल्ले, नो अब्भहिए ॥° ३५६. सिणाए णं भंते ! पुलागस्स परट्ठाणसण्णिगासेणं चरित्तपज्जवेहिं -पुच्छा।
गोयमा ! नो हीणे, नो तुल्ले, अब्भहिए-अणंतगुणमब्भहिए। एवं जाव
कसायकुसीलस्स। ३६०. सिणाए णं भंते ! नियंठस्स परट्ठाणसण्णिगासेणं-पुच्छा।
गोयमा ! नो हीणे, तुल्ले, नो अब्भहिए ।। ३६१. सिणाए णं भंते ! सिणायस्स सट्ठाणसण्णिगासेणं-पुच्छा।
गोयमा ! नो हीणे, तुल्ले, नो अब्भहिए । ३६२. एएसि णं भंते ! पुलाग-बउस-पडिसेवणाकुसील-कसायकुसील-नियंठ-सिणायाणं
जहण्णुक्कोसगाणं चरित्तपज्जवाणं कयरे कयरेहितो' 'अप्पा वा ? बहुया वा ? तुल्ला वा ? • विसेसाहिया वा ? गोयमा ! १. पुलागस्स कसायकुसीलस्स य एएसि णं जहण्णगा चरित्तपज्जवा दोण्ह वि तुल्ला सव्वत्थोवा २. पुलागस्स उक्कोसगा चरित्तपज्जवा अणंतगुणा ३. बउसस्स पडिसेवणाकुसोलस्स य एएसि णं जहण्णगा चरित्तपज्जवा दोण्ह वि तुल्ला अणंतगुणा ४. बउसस्स उक्कोसगा चरित्तपज्जवा अणंतगुणा ५. पडिसेवणाकुसीलस्स उक्कोसगा चरित्तपज्जवा अणतगुणा ६. कसायकुसीलस्स उक्कोसगा चरित्तपज्जवा अणंतगुणा ७. नियंठस्स सिणायस्स य एतेसि णं
अजहण्णमणुक्कोसगा चरित्तपज्जवा दोण्ह वि तुल्ला अणंतगुणा। जोग-पदं ३६३. पुलाए णं भंते ! किं सजोगी होज्जा ? अजोगी होज्जा ?
गोयमा ! सजोगी होज्जा, नो अजोगी होज्जा । ३६४. जइ सजोगी होज्जा किं मणजोगी होज्जा ? वइजोगी होज्जा ? कायजोगी
होज्जा? गोयमा ! मणजोगी वा होज्जा, वइजोगी वा होज्जा, कायजोगी वा होज्जा। एवं जाव नियंठे ॥
१. सं० पा०--एवं सिणायस्स वि। २. सं० पा०-एवं जहा नियंठस्स वत्तव्वया
तहा सिणायस्स वि भाणियब्वा जाव सिणाए। ३. सं० पा०कयरेहितो जाव विसेसाहिया।
Jain Education International
For Private & Personal Use Only
www.jainelibrary.org
