________________
चउरासीइइमो समवाओ
८६६
३. महाहिमवंतस्स णं वासहरपव्वयस्स उवरिल्लाओ चरिमंताओ सोगंधियस्स ___ कडस्स हेढिल्ले चरिमंते, एस णं बासीइं जोयणसयाइं अबाहाए अंतरे पण्णत्ते । ४. एवं रुप्पिस्सवि ॥
तेयासीइइमो समवाओ १. समणे भगवं महावीरे बासीइराइदिएहिं वोइक्कतेहिं तेयासोइमे राइदिए
वट्टमाणे गब्भाओ गब्भं साहरिए। २. सीयलस्स णं अरहओ तेसीति गणा तेसीति गणहरा होत्था । ३. थेरे णं मंडियपुत्ते तेसीइं वासाइं सव्वाउयं पालइत्ता सिद्धे' 'बुद्धे मुत्ते अंतगडे
परिणिव्वुडे सव्वदुक्ख °प्पहीणे॥ ४. उसभे णं अरहा कोसलिए तेसीइं पुव्वसयसहस्साई अगारवासमझावसित्ता'
मुंडे भवित्ता ण' अगाराओ अणगारिअं° पव्वइए ।। ५. भरहे णं राया चाउरंतचक्कवट्टी तेसोइं पुव्वसयसहस्साई अगाारमज्झावसित्ता जिणे जाए केवली सव्वण्णू सव्वभावदरिसी ।।
चउरासीइइमो समवाओ १. चउरासीइं निरयावाससयसहस्साइं पण्णत्ता ।। २. उसभे णं अरहा कोसलिए चउरासीइं पुव्वसयसहस्साइं सव्वाउयं पालइत्ता सिद्धे
बुद्धे 'मुत्ते अंतगडे परिणिव्वुडे सव्वदुक्ख °प्पहीणे।। ३. एवं भरहो बाहबली 'बंभी संदरी ।। ४. सेज्जसे णं अरहा चउरासीइं वाससयसहस्साइं सव्वाउयं पालइत्ता सिद्धे 'बुद्धे
मुत्ते अंतगडे परिणिव्वुड़े सव्वदुक्ख ° पहीणे ।। ५. तिविठू णं वासुदेवे चउरासीई वाससयसहस्साइं सव्वाउयं पालइत्ता अप्पइ
ट्ठाणे नरए नेरइयत्ताए उववण्णे ॥ ६. सक्कस्स णं देविंदस्स देवरण्णो चउरासीई सामाणियसाहिस्सीओ पण्णत्ताओ॥ ७. सव्वेवि णं बाहिरया" मंदरा चउरासीई-चउरासीइं जोयणसहस्साई उड्ढं
उच्चत्तेणं पण्णत्ता । ८. सव्वेवि णं अंजणगपव्वया चउरासीइं-चउरासीइं जोयणसहस्साइं उड्ढं
उच्चत्तेणं पण्णत्ता ॥
१. सं० पा०—सिद्धे जाव प्पहीणे । २. ° मज्झे ° (क)। ३. सं० पा०-भवित्ता ण जाव पव्वइए। ४. सं० पा.--बुद्धे जाव प्पहीणे ।
५. बंभिसुंदरि (क, ख, ग)। ६. सं० पा०-सिद्धे जाव प्पहीणे । ७. परमाउं (क, ग)। ८. बाहिरिया (ग)।
Jain Education International
For Private & Personal Use Only
www.jainelibrary.org
