________________
८६८
समवाओ
एगूणासीइमो समवाओ १. वलयामुहस्स णं पायालस्स हेट्ठिलाओ चरिमंताओ इमीसे रयणप्पभाए पुढवीए __हेट्ठिल्ले चरिमंते, एस णं एगूणासीइं जोयणसहस्साई अबाहाए अंतरे पण्णत्ते ।।
एवं केउस्सवि जयस्सवि ईसरस्सवि ॥
छट्ठीए पुढवीए बहुमज्झदेसभायाओ छट्ठस्स घणोदहिस्स हेट्ठिल्ले चरिमंते, एस ___णं एगूणासीति जोयणसहस्साई अबाहाए अंतरे पण्णत्ते ॥ ४. जंबुद्दीवस्स णं दीवस्स बारस्स य बारस य, एस णं एगूणासीइं जोयणसहस्साई साइरेगाई अबाहाए अंतरे पण्णत्ते ॥
असीइइमो समवाओ १. सेज्जसे णं अरहा असोइं धणूई उड्ढं उच्चत्तेणं होत्था । २. तिविठ्ठ णं वासूदेवे असीइं धणूई उड्ढं उच्चत्तेणं होत्था । ३. अयले णं बलदेवे असीइं धणूई उड्ढं उच्चत्तेणं होत्था ॥ ४. तिविठू णं वासुदेवे असीइं वाससयसहस्साई महाराया होत्था । ५. आउबहुले णं कंडे असीइं जोयणसहस्साइं बाहल्लेणं पण्णत्ते ॥ ६. ईसाणस्स णं देविंदस्स देवरणो असीइं सामाणियसाहस्सीओ पण्णत्ताओ। ७. जंबुद्दीवे णं दीवे असोउत्तरं जोयणसयं ओगाहेत्ता सूरिए उत्तरकट्ठोवगए पढम
उदयं करेई ॥
एक्कासीइइमो समवाओ १. नवनवमिया' णं भिक्खुपडिमा एक्कासीइ राइदिएहिं चउहि य पंचुत्तरेहिं
भिक्खासएहिं अहासुत्तं' 'अहाकप्पं अहामग्गं अहातच्चं सम्म काएण फासिया
पालिया सोहिया तीरिया किदिया आणाए आराहिया यावि भवति । २. कुंथुस्स णं अरहओ एक्कासीति मणपज्जवनाणिसया होत्था । ३. विआहपण्णत्तीए' एकासीति महाजुम्मसया पण्णत्ता॥
बासीतिइमो समवाओ १. जंबुद्दीवे दीवे बासोतं मंडलसयं जं सूरिए दुक्खत्तो संकमित्ता णं चारं चरइ,
तं जहा - निक्खममाणे 'य पविसमाणे" य ॥ २. समणे भगवं महावीरे बासीए राइंदिएहिं वीइक्कतेहिं गब्भाओ गब्भं साहरिए।
१. णवणम्मया (क)। २. सं० पा०-अहासुत्तं जाव आराहिया।
३. विवाह ° (ग)। ४. पविसतिमाणे (क)।
Jain Education International
For Private & Personal Use Only
www.jainelibrary.org
