________________
६००
समवाओ
६. हरिवासरम्मयवासियाणं जीवाणं धणुपट्टा' चउरासीइं-चउरासीइं जोयण
सहस्साइं सोलस जोयणाइं चत्तारि य भागा जोयणस्स परिक्खेवेणं पण्णत्ता । १०. पंकबहुलस्स णं कंडस्स उवरिल्लाओ चरिमंताओ हेटिल्ले चरिमंते, एस णं
चोरासीइं जोयणसयसहस्साइं अबाहाए अंतरे पण्णत्ते । ११. वियाहपण्णत्तीए णं भगवतीए चउरासीइं पयसहस्सा पदग्गेणं पण्णत्ता॥ १२. चोरासीइं नागकुमारावाससयसहस्सा पण्णत्ता ।।। १३. चोरासीइं पइण्णगसहस्सा पण्णत्ता ।। १४. चोरासीइं जोणिप्पमुहसयसहस्सा पण्णत्ता ।। १५. पुव्वाइयाणं सीसपहेलियापज्जवसाणाणं सट्टाणट्ठाणंतराणं चोरासीए गुणकारे
पण्णत्ते ॥ १६. उसभस्स णं अरहओ कोसलियस्स चउरासीइं गणा चउरासीइं गणहरा होत्था ॥ १७. उसभस्स णं कोसलियस्स उसभसेणपामोक्खाओ चउरासीइं समणसाहस्सीओ
होत्था ।। १८. चउरासीइं विमाणावाससयसहस्सा सत्ताणउइं च सहस्सा तेवीसं च विमाणा
भवंतीति मक्खायं ।।
पंचासीइइमो समवाओ १. आयारस्स णं भगवओ सचूलियागस्स पंचासीइं उद्देसणकाला पण्णत्ता ।। २. धायइसंडस्स णं मंदरा पंचासीइं जोयणसहस्साइं सव्वग्गेणं पण्णत्ता ।। ३. रुयए णं मंडलियपव्वए पंचासीइं जोयणसहस्साइं सव्वग्गेणं पण्णत्ते ॥ ४. नंदणवणस्स णं हेट्ठिलाओ चरिमंताओ सोगंधियस्स कंडस्स हेट्ठिल्ले चरिमंते, एस णं पंचासीइं जोयणसयाइं अबाहाए अंतरे पण्णत्ते ॥
छलसोइइमो समवाओ १. सुविहिस्स णं पुप्फदंतस्स अरहओ छलसीइं गणा छलसीइं गणहरा होत्था । २. सुपासस्स णं अरहओ छलसीइं वाइसया होत्था ॥ ३. दोच्चाए णं पुढवीए बहुमज्झदेसभागाओ दोच्चस्स घणोदहिस्स हेट्ठिल्ले चरिमंते, ___एस णं छलसीइं जोयणसहस्साइं अबाहाए अंतरे पण्णत्ते ।।
सत्तासीइइमो समवाओ १. मंदरस्स णं पव्वयस्स पुरथिमिल्लाओ चरिमंताओ गोथुभस्स आवासपव्वयस्स
१. धणुपिट्ठा (क्व)।
२. विवाह ° (ग)।
Jain Education International
For Private & Personal Use Only
www.jainelibrary.org
