________________
पंचमो समवाओ
पंचमो समवाओ
१. पंच किरिया पण्णत्ता, तं जहा–काइया अहिगरणिया पाउसिआ पारियावणिआ
पाणाइवायकिरिया ॥ २. पंच महव्वया पण्णत्ता, तं जहा:-सव्वाओ पाणाइवायाओ वेरमणं, सव्वाओ
मुसावायाओ' 'वेरमणं, सव्वाओ अदिन्नादाणाओ वेरमणं, सव्वाओ मेहुणाओ
वेरमणं, सव्वाओ परिग्गहाओ वेरमणं ।। ३. पंच कामगुणा पण्णत्ता, तं जहा -सद्दा रूवा रसा गंधा फासा ॥ ४. पंच आसवदारा पण्णत्ता, त जहा -मिच्छत्तं अविरई 'पमाया कसाया' जोगा। ५. पंच संवरदारा पण्णत्ता, तं जहा सम्मत्तं विरई अप्पमाया' अकसाया'
अजोगा। ६. पंच निज्जरढाणा' पण्णता, तं जहा-पाणाइवायाओ वेरमणं, मुसावायाओ
वेरमणं, अदिन्न दाणाओ वेरमणं, मेहुणाओ वेरमणं, परिगहाओ वेरमणं ।। ७. पंच समिईओ पण्णत्ताओ, तं जहा–इरियासमिई भासासमिई एसणासमिई
आयाण-भंड-मत्त-निक्खेवणासमिई उच्चार-पासवण-खेल-सिंघाण-जल्ल-पारिद्वा
वणियासमिई॥ ८. पंच अत्थिकाया पण्णत्ता, तं जहा --धम्मत्थिकाए अधम्मत्थिकाए आगासत्थि
काए जीवत्थिकाए पोग्गलत्थिकाए ।। ६. रोहिणीनक्खत्ते पंचतारे पण्णत्ते ।। १० पुणव्वसुनक्खत्ते पंचतारे पण्णत्ते॥ ११. हत्थनक्खत्ते पंचतारे पण्णत्ते ।। १२. विसाहानक्खत्ते पंचतारे पण्णत्ते ।। १३. धणिट्ठानक्खत्ते पंचतारे पण्णत्ते ।। १४. इमीसे णं रयणप्पभाए पुढवीए अत्थेगइयाणं ने रइयाणं पंच पलिओवमाइं ठिई
पण्णत्ता। १५. तच्चाए णं पुढवीए अत्येगइया नेरइयाणं पंच सागरोवमाइं ठिई पण्णत्ता ॥ १६. असुरकुमाराणं देवाणं अत्यंगइयाण पंच पलिओवमाइं ठिई पण्णत्ता।
१. सं० पा०-मुसावायाओ जाव सव्वाओ। २. पडि० (ग)। ३. पमाए कसाए (क, ग)। ४. अप्पमाए (क); अप्पमादो (ग)। ५. अकसाए (क); अकसायया (ख, ग)।
६. अजोगया (ग)। ७. निज्जराट्ठाणा (ग)। ८. हत्थे° (ग)। ६. X (क, ख, ग)।
Jain Education International
For Private & Personal Use Only
www.jainelibrary.org
