________________
८३४
समवाओ
१७. सोहम्मीसाणेसु कप्पेसु अत्थेगइयाणं देवाणं पंच पलिओवमाइं ठिई पण्णत्ता ॥ १८. सणंकुमार-माहिदेसु कप्पेसु अत्थेगइयाणं देवाणं पंच सागरोवमाइं ठिई पण्णत्ता। १६. जे देवा वायं सुवायं वातावत्तं वातप्पभं वातकंतं वातवणं वातलेसं वातज्झयं
वातसिंगं वातसिटुं वातकूडं वाउत्तरवडेंसगं सूरं सुसूरं सूरावत्तं सूरप्पभं सूरकंतं सूरवण्णं सूरलेसं सूरज्झयं सूरसिंगं सूरसिटुं सूरकूडं सूरुत्तरवडेंसगं विमाणं
देवत्ताए उववण्णा, तेसि णं देवाणं उक्कोसेणं पंच सागरोवमाइं ठिई पण्णत्ता ॥ २०. ते णं देवा पंचण्हं अद्धमासाणं आणमंति वा पाणमंति वा ऊससंति वा नीससंति
वा।। २१. तेसि णं देवाणं पंचहि वाससहस्सेहिं आहारट्टे समुप्पज्जइ ।। २२. संतेगइया भवसिद्धिया जीवा, जे पंचहि भवग्गहणेहि सिज्झिस्संति' 'बुज्झिस्संति
मुच्चिस्संति परिनिव्वाइस्संति सव्वदुक्खाण मंतं करिस्संति ।।
छ8ो समवायो १. छल्लेसा पण्णत्ता, तं जहा - कण्हलेसा नीललेसा काउलेसा तेउलेसा पम्हलेसा
सुक्कलेसा॥ २. छज्जीवनिकाया पण्णत्ता, तं जहा-पुढवीकाए' आउकाए तेउकाए वाउकाए
वणस्सइकाए तसकाए । ३. छविहे बाहिरे तवोकम्मे पण्णत्ते, तं जहा-अणसणे ओमोदरिया' वित्ति
संखेवो रसपरिच्चाओ कायकिलेसो' संलीणया ॥ ४. छव्विहे अभिंतरे तवोकम्मे पण्णत्ते, तं जहा-पायच्छित्तं विणओ वेयावच्चं
सज्झाओ भाणं उस्सग्गो।। ५. छ छाउमत्थिया समुग्धाया पण्णत्ता, तं जहा-वेयणासमुग्घाए कसायसमुग्धाए
मारणंतियसमुग्घाए वेउब्वियसमुग्घाए तेयसमुग्घाए आहारसमुग्घाए । ६. छविहे अत्थुग्गहे पण्णत्ते, तं जहा-सोइंदियअत्थुग्गहे चक्खिदियअत्थुग्गहे
घाणिदियअत्थुग्गहे जिभिदियअत्थुग्गहे फासिंदियअत्थुग्गहे नोइंदिय
अत्थुग्गहे ॥ ७. कत्तियानक्खत्ते छतारे पण्णत्ते । ८. असिलेसानक्खत्ते छतारे पण्णत्ते ।।
१. सं० पा०—सिज्झिस्संति जाव अंत। २. °काइया (ग)। ३. उनोदरिया (ग)। ४. वित्ती° (ख, ग)।
५. कायकिलेसं (क)। ६. अंतरए (क)। ७. तेया ° (क, ख)।
Jain Education International
For Private & Personal Use Only
www.jainelibrary.org
