________________
८३२
समवाओ
चउत्थो समवाओ १. चत्तारि कसाया पण्णत्ता, तं जहा–कोहकसाए माणकसाए मायाकसाए
लोभकसाए । २. चत्तारि झाणा पण्णत्ता, तं जहा अट्टे झाणे रोद्दे झाणे धम्मे झाणे सुक्के झाणे॥ ३. चत्तारि विगहाओ पण्णत्ताओ, तं जहा-इत्थिकहा भत्तकहा रायकहा देसकहा ।। ४. चत्तारि सण्णा पण्णत्ता, तं जहा-आहारसण्णा भयसण्णा मेहुणसण्णा परिग्गह
सण्णा ॥
चउविहे बंधे पण्णत्ते, तं जहा- पगडिबंधे ठिइबंधे 'अणुभावबंधे पएसबंधे" ॥ ६. चउगाउए जोयणे पण्णत्ते । ७. अणुराहानक्खत्ते चउत्तारे पण्णत्ते ।। ८. पूव्वासाढनक्खत्ते चउत्तारे पण्णत्ते ।। ६. उत्तरासाढनक्खत्ते चउत्तारे पण्णत्ते ॥ १०. इमीसे णं रयणप्पभाए पुढवीए अत्थेगइयाणं नेरइयाणं चत्तारि पलिओवमाई
ठिई पण्णत्ता ॥ ११. तच्चाए णं पुढवीए अत्थेगइयाणं नेरइयाणं चत्तारि सागरोवमाई ठिई पण्णत्ता । १२. असुरकुमाराणं देवाणं अत्थेगइयाणं चत्तारि पलिओवमाइं ठिई पण्णत्ता ।। १३. सोहम्मीसाणेसु कप्पेसु अत्थेगइयाणं देवाणं चत्तारि पलिओवमाई ठिई पण्णत्ता॥ १४. सणंकुमार-माहिदेसु कप्पेसु अत्थेगइयाणं देवाणं चत्तारि सागरोवमाई ठिई
पण्णत्ता ॥ १५. जे देवा किट्टि सुकिदि किट्ठियावत्तं किढिप्पभं किट्टिकंत किट्ठिवण्णं किट्ठिलेसं
किट्ठिज्झयं किट्ठिसिंगं किट्ठिसिटुं किटिकूडं किठ्ठत्तरवडेंसगं विमाणं देवत्ताए
उववण्णा, तेसि णं देवाणं उक्कोसेणं चत्तारि सागरोवमाइं ठिई पण्णत्ता ॥ १६. ते णं देवा चउण्हं अद्धमासाणं आणमंति वा पाणमंति वा ऊससंति वा नीससंति
वा। १७. तेसि देवाणं चउहि वाससहस्सेहिं आहारट्टे समुप्पज्जइ ।। १८. अत्थेगइया भवसिद्धिया जीवा, जे चउहि भवग्गणेहि सिज्झिस्संति 'बुज्झिस्संति
मुच्चिस्संति परिनिव्वाइस्संति° सव्वदुक्खाणमंतं करिस्संति ।।
१. अणुभाग० (क, ख)।
वन्तीति (वृत्ति पत्र ६) वृत्तिगतोल्लेखेन 'कंत' २. पएसबंधे अणुभागबंधे (ग)।
इति पाठः स्वीकृतः। व ग. कष्टिसकष्टयादीनि ४. सं० पा०-सिज्झिस्संति जाव सव्वदुक्खाण " द्वादशविमानानि पूर्वोक्तविमाननामानुसार
Jain Education International
For Private & Personal Use Only
www.jainelibrary.org
