________________
बीओ समवाओ
८२६
३६. असंखेज्जवासाउयगब्भवक्कंतियसण्णि मणयाणं अत्थेगइयाणं एगं पलिओवमं
ठिई पण्णत्ता ॥ ३७. वाणमंतराणं देवाणं उक्कोसेणं एग पलिओवमं ठिई पण्णत्ता॥ ३८. जोइसियाणं देवाणं उक्कोसेणं एगं पलिओवमं वाससयसहस्समब्भहियं ठिई
पण्णत्ता ॥ ३६. सोहम्मे कप्पे देवाणं जहन्लेणं एग पलिओवमं ठिई पण्णत्ता ।। ४०. सोहम्मे कप्पे देवाणं अत्थेगइयाणं एगं सागरोवमं ठिई पण्णत्ता ।। ४१. ईसाणे कप्पे 'देवाणं जहण्णेणं साइरेगं एग पलिओवम ठिई पण्णत्ता ।। ४२. ईसाणे कप्पे देवाणं अत्थेगइयाणं एगं सागरोवमं ठिई पण्णत्ता॥ ४३. जे देवा सागरं सुसागरं सागरकंतं भवं' मणुं माणसोत्तरं लोगहियं विमाणं
देवत्ताए उववण्णा, तेसि णं देवाणं उक्कोसेणं एगं सागरोवमं ठिई पण्णत्ता । ४४. ते णं देवा एगस्स अद्धमासस्स आणमंति वा पाणमंति वा ऊससंति वा
नीससंति वा॥ ४५. तेसि णं देवाणं एगस्स वाससहस्सस्स आहारट्टे समुपज्जइ॥ ४६. संतेगइया भवसिद्धिया 'जीवा, जे एगेणं भवग्गहणणं सिज्झिस्सति बुज्झिस्संति
मुच्चिस्संति परिनिव्वाइस्संति सव्वदुक्खाणमंतं करिस्संति ॥
बीओ समवाओ १. दो दंडा पण्णत्ता, तं जहा–अट्ठादंडे चेव, अणट्ठादंडे चेव ।। २. दुवे रासी पण्णत्ता, तं जहा—जीवरासी चेव, अजीवरासी चेव ।। ३. दुविहे बंधणे पण्णत्ते, तं जहा–रागबंधणे चेव, दोसबंधणे चेव ।। ४. पुव्वाफग्गुणीनक्खत्ते दुतारे' पण्णत्ते ॥ ५. उत्तराफग्गुणीनक्खत्ते दुतारे पण्णत्ते । ६. पुव्वाभद्दवयानक्खत्ते दुतारे पण्णत्ते ।। ७. उत्तराभद्दवयानक्खत्ते दुतारे पण्णत्ते ।। ८. इमीसे णं रयणप्पहाए पुढवीए अत्थेगइयाणं नेरइयाणं दो पलिओवमाइं ठिई
पण्णत्ता ।। ६. दुच्चाए पुढवीए अत्थेगइयाणं नेरइयाणं दो सागरोवमाइं ठिई पण्णत्ता ।।
१. जहणेणं देवाणं (क, ख, ग)। २. भुवं (ग)। ३. ते जीवा जे एगेण (क)। ४. रोसबंधणे (क)।
५. पुव्व ° (क)। ६. दुत्तारे (ख, ग)। ७. उत्तर° (ग)। ८. पुढवीए णं (क)
Jain Education International
For Private & Personal Use Only
www.jainelibrary.org
