________________
समवाओ
१०. असुरकुमाराणं देवाणं अत्येगइयाणं दो पलिओवमाइं ठिई पण्णत्ता ॥ ११. असुरिंदवज्जियाणं भोमिज्जाणं देवाणं उक्कोसेणं देसूणाई दो पलिओवमाइं
ठिई पण्णत्ता ॥ असंखेज्जवासाउयसण्णिपंचेंदियतिरिक्खजोणिआणं अत्थेगइयाणं दो पलिओव
माई ठिई पण्णत्ता। १३. असंखेज्जवासाउयगब्भवक्कंतियसण्णिमणुस्साणं अत्थेगइयाणं दो पलिओवमाई
ठिई पण्णत्ता ॥ १४. सोहम्मे कप्पे अत्थगइयाणं देवाणं दो पलिओवमाइं ठिई पण्णत्ता ।। १५. ईसाणे कप्पे अत्थेगइयाणं देवाणं दो पलिओवमाइं ठिई पण्णत्ता ।। १६. सोहम्मे कप्पे देवाणं उक्कोसेणं दो सागरोवमाइं ठिई पण्णत्ता ।। १७. ईसाणे कप्पे देवाणं उक्कोसेणं साहियाइं दो सागरोवमाइं ठिई पण्णत्ता ।। १८. सणंकुमारे कप्पे देवाणं जहण्णेणं दो सागरोवमाइं ठिई पण्णत्ता ।। १९. माहिंदे कप्पे देवाणं जहण्णेणं साहियाइं दो सागरोवमाइं ठिई पण्णत्ता ।। २०. जे देवा सुभं सुभकंतं सुभवणं सुभगंधं सुभलेसं सुभफासं सोहम्मवडेंसगं
विमाणं देवत्ताए उववण्णा, तेसि णं देवाणं उक्कोसेणं दो सागरोवमाइं ठिई
पण्णत्ता ।। २१. ते णं देवा दोण्हं अद्धमासाणं आणमंति वा पाणमंति वा ऊससंति वा नीससंति
वा॥ २२. तेसि णं देवाणं दोहिं वाससहस्सेहिं आहारटे समुपज्जइ ॥ २३. अत्थेगइया भवसिद्धिया जीवा, जे दोहिं भवग्गहणेहि सिज्झिस्संति बुझिस्संति
मुच्चिस्संति परिनिव्वाइस्संति सव्वदुक्खाणमंतं करिस्संति ।
तइओ समवाओ १. तओ दंडा पण्णत्ता, तं जहा–मणदंडे व इदंडे कायदंडे ।। २. तओ गुत्तीओ पण्णत्ताओ, तं जहा-मणगुत्ती वइगुत्ती कायगुत्ती ।। ३. तओ सल्ला पण्णत्ता, तं जहा-मायासल्ले णं नियाणसल्ले णं मिच्छादसण
सल्ले णं॥ ४. तओ गारवा पण्णत्ता, तं जहा -इड्डीगारवे रसगारवे सायागारवे ।। ५. तओ विराहणाओ पण्णत्ताओ, तं जहा-नाणविराहणा दंसणविराहणा चरित्तविराहणा ॥ मिगसिरनक्खत्ते तितारे पण्णत्ते ।।
Jain Education International
For Private & Personal Use Only
www.jainelibrary.org
