________________
८२८
समवाओ
११. एगे अलोए । १२. एगे धम्मे॥ १३. एगे अधम्मे॥ १४. एगे पुण्णे ॥ १५. एगे पावे ॥ १६. एगे बंधे। १७. एगे मोक्खे ।। १८. एगे आसवे ।। १६. एगे संवरे ॥ २०. एगा वेयणा ॥ २१. एगा णिज्जरा॥ २२. जंबुद्दीवे दोवे एग जोयणसयसहस्सं आयामविक्खंभेणं पण्णत्ते ।। २३. अप्पइट्ठाणे नरए एगं जोयणसयसहस्सं आयामविक्खंभेणं पण्णत्ते ।। २४. पालए जाणविमाणे एगं जोयणसयसहस्सं आयामविक्खंभेणं पण्णत्ते ।। २५. सव्वदसिद्धे महाविमाणे एग जोयणसयसहस्सं आयामविक्खंभेणं पण्णत्ते ।। २६. अद्दानक्खत्ते एगतारे पण्णत्ते ।। २७. चित्तानक्खत्ते एगतारे पण्णत्ते ।। २८. सातिनक्खत्ते एगतारे पण्णत्ते ।। २६. 'इमोसे ण रयणप्पभाए पुढवीए अत्थेगइयाणं नेरइयाणं एगं पलिओवमं ठिई
पण्णत्ता॥ ३०. इमीसे णं रयणप्पभाए पुढवीए नेरइयाणं उक्कोसेणं एगं सागरोवमं ठिई
पण्णत्ता ।। ३१. दोच्चाए णं पुढवोए नेरइयाणं जहन्नेणं एगं सागरोवमं ठिई पण्णत्ता ॥ ३२. असुरकुमाराणं 'देवाणं अत्थेगइयाणं" एगं पलिओवमं ठिई पण्णत्ता ।। ३३. असुरकुमाराणं देवाणं उक्कोसेणं एगं साहियं सागरोवमं ठिई पण्णत्ता ।। ३४. असुरकुमारिंदवज्जियाणं भोमिज्जाणं देवाणं अत्थेगइयाणं एगं पलिओवमं
ठिई पण्णत्ता ॥ ३५. असंखेज्जवासाउयसण्णिपंचिदियतिरिक्खजोणियाणं अत्थेगइयाणं एगं
पलिओवमं ठिई पण्णत्ता॥
१. अपुण्णे (क)। २. चक्कवालविक्खंभेणं (क, ग, वृपा)। ३. इमीसे (क, ग); हस्तलिखितवृत्तौ 'इमीसेणं'
पाठोस्ति मद्रितवृत्तौ 'इमीसे' इति विद्यते । ४. अत्थेगइयाणं देवाणं (क, ख, ग)।
Jain Education International
For Private & Personal Use Only
www.jainelibrary.org
